ନୂଆଦିଲ୍ଲୀ : ଭାରତରେ ବ୍ୟବସାୟ କରୁଥିବା ଚୀନ କମ୍ପାନି, ମୋବାଇଲ ଆପଗୁଡ଼ିକ ଭାରତୀୟମାନଙ୍କ ବ୍ୟକ୍ତିଗତ ତଥ୍ୟ ସଂଗ୍ରହ କରି ଚୀନ ସରକାରଙ୍କୁ ପଠାଉଛନ୍ତି କି ? ଏହାକୁ ନେଇ ସଂଦେହ ଉପୁଜିବା ପରେ ଭାରତ ସରକାର ଚୀନ କମ୍ପାନିମାନଙ୍କ ଉପରେ ନଜର ରଖିବା ଆରମ୍ଭ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏଥିପାଇଁ କର୍ପୋରେଟ ବ୍ୟାପାର ମନ୍ତ୍ରାଳୟ ଅଧିନସ୍ଥ ରେଜିଷ୍ଟ୍ରାର ଅଫ କମ୍ପାନିଜ୍ ପକ୍ଷରୁ ବିଭିନ୍ନ ରାଜ୍ୟରେ ସେଲ ଖୋଲାଯାଇ, ଚୀନ କମ୍ପାନିମାନଙ୍କ ସହ ସଂପୃକ୍ତ ବିଭିନ୍ନ ଛଦ୍ମ କମ୍ପାନିମାନଙ୍କ ଉପରେ ନଜର ରଖାଯାଇଛି । ଏସବୁ କମ୍ପାନିମାନେ ଭାରତରେ ବିଭିନ୍ନ ପ୍ରକାରର ଡେଟିଂ, ବେଟିଂ ଓ ଲୋନ ଆପ୍ ଚଳାଉଛନ୍ତି । ଏସବୁ ଆପ୍ ମାଧ୍ୟମରେ ସେମାନେ ଭାରତୀୟଙ୍କ ଗୋପନୀୟ ତଥ୍ୟ ଚୀନକୁ ପଠାଉଛନ୍ତି । ଚୀନ କମ୍ପାନିମାନଙ୍କ ସହ ସଂପୃକ୍ତ ପ୍ରାୟ ୪୦ଟି ସଂଦିଗ୍ଧ ଅଣ-ବ୍ୟାଙ୍କିଙ୍ଗ୍ ଫାଇନାନ୍ସ କମ୍ପାନି (ଏନବିଏଫସି)ର ଲାଇସେନ୍ସ ରଦ୍ଦ କରିବାର ସମ୍ଭାବନା ରହିଛି ବୋଲି ଏକ ଜାତୀୟ ସ୍ତରର ସମ୍ବାଦପତ୍ରରେ ପ୍ରକାଶିତ ରିପୋର୍ଟରେ କୁହାଯାଇଛି ।
ଚୀନ ସରକାରଙ୍କ ଏକ ନିୟମ ଅନୁସାରେ ଚୀନ କମ୍ପାନିମାନେ ଚୀନ ସରକାରଙ୍କୁ ଯେକୌଣସି ପ୍ରକାରର ତଥ୍ୟ ଦେବାକୁ ବାଧ୍ୟ । ଏପରିକି ଅଧିକାଂଶ ଚୀନ କମ୍ପାନିରେ ଚୀନ କମ୍ୟୁନିଷ୍ଟ ପାର୍ଟିର ମାଲିକାନା ଥାଏ କିମ୍ବା ଏହାର ସଦସ୍ୟଙ୍କ ପ୍ରତିନିଧିତ୍ବ ଥାଏ । ଏଣୁ ଭାରତରେ ଥିବା ଚୀନର ଟେଲିକମ କମ୍ପାନି, ମୋବାଇଲ ଆପ ଓ ଅନ୍ୟାନ୍ୟ କମ୍ପାନିମାନେ ଚୀନକୁ ଗୋପନ ତଥ୍ୟ ପଠାଉଥିବାର ଆଶଙ୍କା ରହିଛି ।