ଯୁଦ୍ଧ ପାଇଁ ପ୍ରସ୍ତୁତ ରହିବାକୁ ଚୀନ ସେନାକୁ ରାଷ୍ଟ୍ରପତି ଜିନପିଙ୍ଗଙ୍କ ନିର୍ଦ୍ଦେଶ
ନୂଆଦିଲ୍ଲୀ : ଲଦାଖରେ ଭାରତ ଓ ଚୀନ ସେନା ମଧ୍ୟରେ ଉତ୍ତେଜନା ଜାରି ରହିଥିବାବେଳେ ଯୁଦ୍ଧ ପାଇଁ ପ୍ରସ୍ତୁତ ରହିବାକୁ ଚୀନର ରାଷ୍ଟ୍ରପତି ସି ଜିନପିଙ୍ଗ୍ ପିପୁଲ୍ସ ଲିବରେସନ ଆର୍ମି (ପିଏଲଏ)କୁ ନିର୍ଦ୍ଦେଶ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଚୀନର ସିନହୁଆ ସମ୍ବାଦ ସରବରାହ ଏଜେନ୍ସିର ରିପୋର୍ଟକୁ ଉଦ୍ଧାର କରି ସିଏନଏନ କହିଛି ଯେ ଗତ କାଲି ସି ଜିନପିଙ୍ଗ୍ ଗୁଆଡୋଙ୍ଗ୍ ରାଜ୍ୟରେ ଥିବା ଏକ ସାମରିକ ଘାଟିକୁ ଯାଇ ଚୀନ ସେନାକୁ ଯୁଦ୍ଧ ପାଇଁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦେଇଛନ୍ତି । ନିଜର ସମସ୍ତ ବୁଦ୍ଧି ଓ ବଳକୁ ଲଗାଇ ଯୁଦ୍ଧ ପାଇଁ ପ୍ରସ୍ତୁତ ରହିବାକୁ ସେ କହିଛନ୍ତି । ପିଏଲଏର ମେରାଇନ ବାହିନୀର ପରିଦର୍ଶନ କରିବା ଅବସରରେ ସେ ସେନାକୁ ସର୍ବାଧିକ ସତର୍କ ରହିବାକୁ ଓ ସଂପୂର୍ଣ୍ଣ ବିଶ୍ବସ୍ତ ଓ ଭରସାଯୋଗ୍ୟ ରହିବାକୁ କହିଛନ୍ତି ।
ଲଦାଖରେ ଗତ ୬ ମାସ ହେଲା ଚୀନ ଓ ଭାରତୀୟ ସେନା ମୁହାଁମୁହିଁ ଅବସ୍ଥାରେ ଅଛନ୍ତି । ଉତ୍ତେଜନା ହ୍ରାସ ପାଇଁ ଉଭୟ ପକ୍ଷ ମଧ୍ୟରେ ଗତ କିଛି ମାସ ମଧ୍ୟରେ ଅନେକ ଥର ଆଲୋଚନା ହୋଇଥିଲେ ମଧ୍ୟ ତାହାର କୌଣସି ସମାଧାନ ମିଳିପାରୁନାହିଁ । ଶେଷଥର ପାଇଁ ଗତ ମଙ୍ଗଳବାରଦିନ ଅନୁଷ୍ଠିତ ଆଲୋଚନା ୧୧ ଘଣ୍ଟା ଧରି ଚାଲିଥିଲେ ମଧ୍ୟ ଏଥିରୁ ସମସ୍ୟାର ସମାଧାନର ପନ୍ଥା ମିଳିପାରିନାହିଁ । ଏପରିକି ଚୀନ ଏହି ଉତ୍ତେଜନା ପାଇଁ ଭାରତକୁ ଦାୟୀ କରୁଛି ।