ଚିରାଗଙ୍କୁ ମୋଦୀ ପସନ୍ଦ ହେଲେ ନୀତିଶ ନୁହେଁ
ବିହାର ନିର୍ବାଚନ ପାଇଁ ପାଶୱାନ ନନ୍ଦନଙ୍କ ଭିନ୍ନ ରଣନୀତି
ପାଟନା: ବିହାର ନିର୍ବାଚନ ପାଇଁ ନାମାଙ୍କନପତ୍ର ଚାଲିଛି। କିନ୍ତୁ ଏପର୍ଯ୍ୟନ୍ତ ବିହାରରେ ରାମ ବିଳାସ ପାଶୱାନଙ୍କ ଦଳ ଲୋକ ଜନଶକ୍ତି ପାର୍ଟି, ଏନଡିଏ ସହିତ ଅଛି କି ନାହିଁ ତାହା ଜଣା ପଡିନାହିଁ। ଏଲଜେପି ସାଂସଦ ଚିରାଗ ପାସୱାନ ନିରବ ଥିବାବେଳେ ତାଙ୍କ ଦଳ କିନ୍ତୁ ମୁଖ୍ୟମନ୍ତ୍ରୀ ତଥା ଜେଡିୟୁ ମୁଖ୍ୟ ନୀତୀଶ କୁମାରଙ୍କୁ ସମୟ ସମୟରେ ଟାର୍ଗେଟ କରୁଛି।
Sambad is now on WhatsApp
Join and get latest news updates delivered to you via WhatsApp
କାରଣ ବିହାରରେ ଏବେ ଏଲଜେପି ର ଏକ ପୋଷ୍ଟର ଚର୍ଚ୍ଚାର ବିଷୟ ପାଲଟିଛି। ଏହି ପୋଷ୍ଟରରେ ଏଲଜେପି ସ୍ପଷ୍ଟ କରିଛି ଯେ ତାଙ୍କ ଦଳ ଜେଡିୟୁ ଉପରେ ଖପ୍ପା ଅଛି, କିନ୍ତୁ ବିଜେପି ଉପରେ କୌଣସି ଅସନ୍ତୋଷ ନାହିଁ। ପୋଷ୍ଟରରେ ଲେଖାଯାଇଛି, ଯେ ”ମୋଦୀଙ୍କ ପ୍ରତି ଅସନ୍ତୋଷ ନାହିଁ, ନୀତୀଶ ତୁମକୁ ଛଡ଼ାଯିବନାହିଁ”|
ଏହି ପୋଷ୍ଟରରେ କୁହାଯାଇଛି ଯେ ନୀତୀଶଙ୍କ ପାଇଁ ଚେୟାର ପ୍ରଥମ ପ୍ରାଥମିକତା ଥିବାବେଳେ ବିହାର ହେଉଛି ଏଲଜେପି ଏବଂ ବିଜେପି ପାଇଁ ପ୍ରଥମ ପ୍ରାଥମିକତା। ସୂଚନା ଥାଉ କି ବିଜେପି, ଏଲଜେପି ଏବଂ ଜେଡିୟୁ ମଧ୍ୟରେ ଆସନ ବାଣ୍ଟିବା ପାଇଁ ବିହାର ଏନଡିଏରେ ଏକ ବଡ଼ ଧରଣର ଦ୍ୱନ୍ଦ୍ୱ ଲାଗିରହିଛି | ଚର୍ଚ୍ଚା ହେଉଛି ଯେ ଆବଶ୍ୟକ ହେଲେ ଏଲଜେପି ଏକାକୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରିବ।