ମୋଦିଙ୍କ ଚୌକିଦାର ଅଭିଯାନକୁ ନେଇ ମୁହଁ ଖୋଲିଲେ ଅସଲି ଚୌକିଦାର, କହିଲେ; ବେରୋଜଗାର ଥିବାରୁ ମୁଁ ଚୌକିଦାର ହୋଇଛି
ନୂଆଦିଲ୍ଲୀ : ଗତ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟୁଇଟ୍ରରେ ମେଁ ଭି ଚୌକିଦାର ହୁଁ ନାମରେ ଏକ ଅଭିଯାନ ଆରମ୍ଭ କରିଥିଲେ । ଏହା ପରେ ବିଜେପିର ଏକାଧିକ ନେତା ଟୁଇଟ୍ରରେ ନିଜ ନାଁ ଆଗରେ ଚୌକିଦାର ବୋଲି ଲେଖିଥିଲେ । କିଛି ଦିନ ମଧ୍ୟରେ ଚାହୁଁ ଚାହୁଁ ଏହି ଅଭିଯାନ ଲୋକପ୍ରିୟ ହୋଇ ସାରିଥିବା ବେଳେ ଏବେ ଅସଲ ଜୀବନରେ ଚୌକିଦାର ଥିବା ଜିତେନ୍ଦ୍ର ସିଂହ ନିଜର ପ୍ରତିକ୍ରିୟା ରଖିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ଯେତେବେଳେ ମୁଁ ଖବର କାଗଜରେ ଦେଖିଲି କି, ପ୍ରଧାନମନ୍ତ୍ରୀ ମୋଦି ନିଜ ନାଁ ଆଗରେ ଚୌକିଦାର ଲଗାଇଛନ୍ତି । ବହୁତ ଖୁସି ଲାଗିଲା । ନିଜ କାମକୁ ନେଇ ଖୁସି କି ନାହିଁ ପଚରାଯିବା ପରେ, ବେକାର ବସିଥିବାରୁ ମୁଁ ଏହି କାମ କରୁଛି । ନ ହେଲେ ମୁଁ ଏ କାମ କେବେ ହେଲେ କରି ନଥାନ୍ତି । ଆଉ ଯଦି କୌଣସି ଭଲ କାମ ମିଳିଥାନ୍ତା, ତେବେ ମୁଁ ଚୌକିଦାର କେବେ ହୋଇ ନଥାନ୍ତି । କାରଣ ଏହି କାମରେ ଛୁଟି ବୋଲି କିଛି ନାହିଁ । ରାତିରେ ସମସ୍ତଙ୍କ ସୁରକ୍ଷା ପାଇଁ ମୋତେ ଚାହିଁ ରହିବାକୁ ହୁଏ । ଚୌକିଦାର ବୋଲି ଖାଲି କହିଦେଲେ ହେବନି । କାମରେ କରି ଦେଖାଇବାକୁ ହେବ, ଯାହା ମୁଁ କରିବା ପାଇଁ ଚେଷ୍ଟା କରି ଆସୁଛି । ୧୨ଘଣ୍ଟା କାମ କରିବା ପରେ ମଧ୍ୟ ମୋତେ ମାସକୁ ୯ହଜାର ଟଙ୍କା ମିଳୁଛି । ଯଦି କେବେ ଦେହ ଖରାପ ପାଇଁ ମୁଁ ଘରେ ରହିଯାଏ, ସେ ୯ହଜାର ଟଙ୍କାରୁ କିଛି ଟଙ୍କା କାଟି ଦିଆଯାଏ । ଶେଷ ଥର କେବେ ମୁଁ ଛୁଟି ନେଇଥିଲି, ତାହା ମୋର ମନେ ନାହିଁ ବୋଲି କହିଛନ୍ତି ଜିତେନ୍ଦ୍ର ।