ଅଗଷ୍ଟା ହେଲିକାପ୍ଟର ଦୁର୍ନିତି : ଜେରା ବେଳେ ‘ଶ୍ରୀମତି ଗାନ୍ଧି’ ଓ ‘ଇଟାଲୀୟ ମହିଳାଙ୍କର ପୁଅ’ଙ୍କ ନାଁ ନେଲା ଖ୍ରୀଷ୍ଟିଆନ ମିସେଲ
ନୂଆଦିଲ୍ଲୀ : ଅଗଷ୍ଟା େଓ୍ଵଷ୍ଟାଲାଣ୍ଡ ହେଲିକାପ୍ଟର ଦୁର୍ନୀତି ମାମଲାରେ ତଦନ୍ତ ସଂସ୍ଥାମାନଙ୍କୁ କେତେକ ବଡ଼ ସଫଳତା ମିଳିଛି । ଏହି କାରବାରର ମଧ୍ୟସ୍ଥିି ଥିବା ବ୍ରିଟିଶ ବ୍ୟବସାୟୀ ଖ୍ରୀଷ୍ଟିଆନ ମିସେଲ କେତେକ ବିସ୍ଫୋରକ ସୂଚନା ଦେଇଥିବା ଇଡି ଦିଲ୍ଲୀର ପଟିଆଲା ହାଉସ କୋର୍ଟଙ୍କୁ ଜଣାଇଛି । ମିସେଲ ଶ୍ରୀମତି ଗାନ୍ଧି ଓ ଇଟାଲୀୟ ମହିଳାଙ୍କ ପୁଅ ଯିଏକି ଦେଶର ପରବର୍ତ୍ତି ପ୍ରଧାନମନ୍ତ୍ରୀ ହୋଇପାରେ ବୋଲି ସେ ଜେରାବେଳେ କହିଥିବା ଇଡି କହିଛି । ତେବେ େକେଉଁ ପ୍ରସଙ୍ଗରେ ମିସେଲ ଏସବୁ ନାଁ ନେଇଛି ସେ ସମ୍ପର୍କରେ ବିଶେଷ କିଛି ସୂଚନା ମଳିପାରିନାହିଁ । ଏକଥା ଇଡି ଠାରୁ ଶୁଣିବା ପରେ କୋର୍ଟ ତାକୁ ଆଉ ୭ ଦିନ ପାଇଁ ଇଡି ହାଜତକୁ ପଠାଇଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଇଡି ଆହୁରି ମଧ୍ୟ ଜାଣିବାକୁ ପାଇଛି ଯେ ଅଗଷ୍ଟା େଓ୍ଵଷ୍ଟାଲାଣ୍ଡ ଡିଲରେ ରାଷ୍ଟ୍ରାୟତ ଉଦ୍ୟୋଗ ହାଲକୁ କାଢି ଟାଟା କମ୍ପାନିକୁ ଦିଆଯାଇଥିଲା । ଅନ୍ୟପକ୍ଷରେ ମିସେଲକୁ ଓକିଲମାଧ୍ୟମରେ ବାହାରୁ ନିର୍ଦ୍ଦେଶ ପ୍ରେରଣ କରାଯାଉଛି ବୋଲି ଇଡି କହିଛି । ଏହାକୁ ଦୃଷ୍ଟିରେ ରଖି ତାକ ନିକଟକୁ ଓକିଲଙ୍କ ଯିବା ଆସିବା ବନ୍ଦ କରିବାକୁ ଇଡି ଆବେଦନ କରିଛି । ଅନ୍ୟପକ୍ଷରେ ବିଜେପି ଚାପରେ ମିସେଲ ଏପରି କଥା କହୁଥିବା କଂଗ୍ରେସ ମୁଖପାତ୍ର ଆରଏସଏନ ସିଂ କହିଛନ୍ତି ।