ପରଲୋକରେ ଦୁନିଆର ସବୁଠାରୁ ତୀବ୍ର ବେଗରେ ବିମାନ ଉଡ଼ାଇଥିବା ପାଇଲଟ
କାଲିଫର୍ଣ୍ଣିଆ: ଶବ୍ଦଠାରୁ ଅଧିକ ବେଗରେ ବିମାନ ଉଡ଼ାଇଥିବା ବିଶ୍ୱର ପ୍ରଥମ ଦ୍ରୁତତମ ପାଇଲଟ୍ ଚକ୍ ୟେଜରଙ୍କର ପରଲୋକ ହୋଇଯାଇଛି | ୯୪ ବର୍ଷ ବୟସରେ ତାଙ୍କର ଦେହାନ୍ତ ହୋଇଥିବାବେଳେ ସେ ଆମେରିକାର ବାସିନ୍ଦା ଥିଲେ। ପାଇଲଟ୍ ଚକ୍ ୟେଜର ଦ୍ୱିତୀୟ ବିଶ୍ୱଯୁଦ୍ଧରେ ନିଜର ସାହସ ଏବଂ ବୀରତ୍ୱ ପାଇଁ ବେଶ ଜଣାଶୁଣା। ଯୁଦ୍ଧ ପରେ ଜଣେ ପରୀକ୍ଷଣ ପାଇଲଟ୍ ଭାବରେ ତାଙ୍କର କାରନାମା ଏଭଳି ଥିଲା, ଯାହା ତାଙ୍କ ପାଇଁ ଅନେକ ଖ୍ୟାତି ଆଣିଥିଲା |
Sambad is now on WhatsApp
Join and get latest news updates delivered to you via WhatsApp
ତାଙ୍କର ଉଦ୍ୟମ ଫଳରେ ୧୯୬୦ ଦଶକରେ ସଫଳ ମହାକାଶ ମିଶନ ପାଇଁ ବାଟ ଖୋଲିଥିଲା। ଚାର୍ଲ୍ସ ଏଲଉଡ୍ ୟେଜର ଫେବୃଆରୀ ୧୩, ୧୯୨୩ ରେ ପଶ୍ଚିମ ଭର୍ଜିନିଆର ମାଇରା ସହରରେ ଜନ୍ମଗ୍ରହଣ କରିଥିଲେ । ଯୁକ୍ତରାଷ୍ଟ୍ର ଆମେରିକା ଦ୍ୱିତୀୟ ବିଶ୍ୱଯୁଦ୍ଧରେ ପ୍ରବେଶ କରିବାର ତିନିମାସ ପୂର୍ବରୁ ୟେଜର୍ ସେପ୍ଟେମ୍ବର ୧୯୪୧ ରେ ଆର୍ମି ଏୟାର କର୍ପସରେ ଯୋଗ ଦେଇଥିଲେ ଏବଂ ବିମାନ ତାଲିମ ନେବା ପୂର୍ବରୁ ବିମାନ ମେକାନିକ୍ ଭାବରେ କାର୍ଯ୍ୟ ଆରମ୍ଭ କରିଥିଲେ।
Fr @VictoriaYeage11 It is w/ profound sorrow, I must tell you that my life love General Chuck Yeager passed just before 9pm ET. An incredible life well lived, America’s greatest Pilot, & a legacy of strength, adventure, & patriotism will be remembered forever.
— Chuck Yeager (@GenChuckYeager) December 8, 2020
ସେ ୧୯୭୫ ମସିହାରେ ଆମେରିକାର ବାୟୁସେନାରୁ ବ୍ରିଗେଡିୟର୍ ଜେନେରାଲ୍ ଭାବରେ ଅବସର ନେଇଥିଲେ। ପ୍ରାୟ ୩୬୦ଟି ସାମରିକ ବିମାନରେ ୧୦,୦୦୦ ଘଣ୍ଟାର ଉଡ଼ାଣ ସେ ସମ୍ପୂର୍ଣ୍ଣ କରିଥିଲେ | ସୂଚନା ମୁତାବକ ଶବ୍ଦଠାରୁ ଦ୍ରୁତ ବେଗରେ ବିମାନ ଉଡ଼ାଇବାର ରେକର୍ଡ଼ ତାଙ୍କ ନାମରେ ରହିଛି |