ନୂଆଦିଲ୍ଲୀ : ଆଜି କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ଜିଏସଟି କାଉନସିଲର ୩୫ ତମ ବୈଠକ ବସିବ । ବୈଠକରେ କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇପାରେ | ବିଶେଷ କରି ଇଲେକ୍ଟ୍ରିକ ବାହନ ଉପରେ ଟ୍ୟାକ୍ସ ୧୨ ପ୍ରତିଶତକୁ କମାଇ ୫ ପ୍ରତିଶତ କରାଯାଇପାରେ | ଯାହାଫଳରେ ଇସ୍କୁଟର ୫ ହଜାର ଟଙ୍କା ଓ ଇ-କାର ୧ ଲକ୍ଷ ଟଙ୍କା ଶସ୍ତା ହୋଇପାରେ | ସେହିପରି ଟିଭି, ଏୟାର କଣ୍ଡିସନର ଓ ଫ୍ରିଜ ଉପରେ ବର୍ତ୍ତମାନ ଥିବା ୧୮ ପ୍ରତିଶତ ଶୁଳ୍କ କୁ କମାଇ ୧୨ ପ୍ରତିଶତ କରାଯାଇପାରେ |
Sambad is now on WhatsApp
Join and get latest news updates delivered to you via WhatsApp
୩୨ ଇଞ୍ଚର ବଡ ଟିଭି ଉପରେ ୨୮ ପ୍ରତିଶତ ଶୁଳ୍କ ଥିବାବେଳେ ପରିବର୍ଦ୍ଧିତ ଭାବରେ ଏହା ୧୮ ପ୍ରତିଶତ ହୋଇପାରେ | ସେହିପରି ସବୁ ପ୍ରକରର ତମ୍ବାଖୁ ଦ୍ରବ୍ୟ ଉପରେ ଟ୍ୟାକ୍ସ ବଢ଼ିଯାଇପାରେ | ଏସବୁ ପଦାର୍ଥ ଉପରେ ୨୮ ପ୍ରତିଶତ ଟ୍ୟାକ୍ସ ଲଗାଯାଇପାରେ | ନୂଆ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ଏହା ହେବ ପ୍ରଥମ ଜିଏସଟି ବୈଠକ ।
ଏହି ବୈଠକରେ ଆଲୋଚନା ହେବାକୁ ଥିବା ପ୍ରସଙ୍ଗ ମଧ୍ୟରେ ରହିଛି ଜିଏସଟି ଇ-ୱେ ବିଲ ବ୍ୟବସ୍ଥା ସହ ଏନଏଚଏଆଇର ଫାଷ୍ଟ ଟ୍ୟାଗ ବ୍ୟବସ୍ଥାର ସମନ୍ଵୟ, ଆଣ୍ଟିପ୍ରଫିଟରିଂ ଅଥରିଟିର କାର୍ଯ୍ୟକାଳକୁ ଆଉ ୧ ବର୍ଷ ସଂପ୍ରସାରିତ କରିବା, ଆପିଲେଟ ଅଥରିଟି ଫର ଆଡଭାନ୍ସଡ ରୁଲିଂର ଜାତୀୟ ବେଞ୍ଚ ସ୍ଥାପନ ଇତ୍ୟାଦି ।