ଦିଲ୍ଲୀ ମେଟ୍ରୋ ଯାତ୍ରୀଙ୍କୁ ୧.୨୨ଲକ୍ଷ ଟଙ୍କା ଥିବା ବ୍ୟାଗ୍ ଫେରାଇଲେ ସିଆଇଏସ୍ଏଫ୍ ଯବାନ
ନୂଆଦିଲ୍ଲୀ : ଦିଲ୍ଲୀର ମେଟ୍ରୋ ଷ୍ଟେସନରେ ମୁତୟନ ଥିବା ଜଣେ ସିଆଇଏସ୍ଏଫ୍ ଯବାନ ଯାହା କରିଛନ୍ତି, ତାକୁ ନେଇ ଏବେ ଚାରିଆଡ଼ୁ ପ୍ରଶଂସାର ସୁଅ ଛୁଟୁଛି । ମେଟ୍ରୋରେ ଯାତ୍ରା କରୁଥିବା ଜଣେ ଯୁବକ ନିଜ ସହ ୧.୨୨ଲକ୍ଷ ଟଙ୍କା ଭର୍ତ୍ତି ଥିବା ବ୍ୟାଗ୍ ନେଇ ଯାଉଥିବା ବେଳେ ଭୁଲବଶତଃ ନିଜ ବ୍ୟାଗ୍ ଭୁଲି ଯାଇଥିଲେ । ଏହାକୁ ଦେଖିବା ପରେ ଯୁବକଙ୍କୁ ଖୋଜି ତାଙ୍କ ବ୍ୟାଗ୍ ଫେରାଇଛନ୍ତି ସିଆଇଏସ୍ଏଫ୍ ଯବାନ ।
Sambad is now on WhatsApp
Join and get latest news updates delivered to you via WhatsApp
ଗୁରୁ ତେଜ୍ ବାହାଦୂର ନଗର ମେଟ୍ରୋ ଷ୍ଟେସନରେ ମୁତୟନ ଥିବା ସିଆଇଏସ୍ଏଫ୍ ଯବାନଙ୍କ ଅନୁଯାୟୀ, ସଂନ୍ଧ୍ୟା ୫ଟା ୩୦ମିନିଟ୍ରେ ଏକ ବଡ଼ ବ୍ୟାଗ୍ ମଟ୍ରୋ ଷ୍ଟେସନ ବାହାରେ ପଡ଼ିଥିବାର ଦେଖିଲି । ଏହା ପରେ ମୁଁ ମୋର ସିଫ୍ଟ ଇନ୍ଚାର୍ଜଙ୍କୁ ଏ ବିଷୟରେ ଜଣାଇଥିଲି । ମୋ କଥା ଶୁଣି ସେ ଘଟଣାସ୍ଥଳରେ ପହଞ୍ଚିବା ସହ ଯାତ୍ରୀମାନଙ୍କୁ ବ୍ୟାଗ୍ ବିଷୟରେ ପଚାରିବାରେ ଲାଗିଥିଲେ । କେହି ଯାତ୍ରୀ ବ୍ୟାଗ୍ ନେବାକୁ ନ ଆସିବାରୁ ସିଆଇଏସ୍ଏଫ୍ ଯବାନ ବ୍ୟାଗ୍ ଚେକ୍ କରିଥିଲେ । ଚେକ୍ କରିବା ପରେ ଭିତରେ ୧.୨୨ଲକ୍ଷ ଟଙ୍କା ଥିବା ଦେଖିବାକୁ ପାଇଥିଲେ । କେହି ବ୍ୟାଗ୍ ସନ୍ଧାନରେ ନ ଆସିବାରୁ ବ୍ୟାଗ୍ ଟି ଷ୍ଟେସନ କଣ୍ଟ୍ରୋଲରଙ୍କୁ ଦିଆଯାଇଥିଲା । କିଛି ସମୟ ପରେ ନଫିଜ୍ ନାମକ ଜଣେ ଯୁବକ ମେଟ୍ରୋ ଷ୍ଟେସନକୁ ଆସି ନିଜ ବ୍ୟାଗ୍ ଖୋଜିବାରେ ଲାଗି ପଡ଼ିଥିଲେ । ଏହା ଦେଖି ମୁଁ ତାଙ୍କୁ ଷ୍ଟେସନ କଣ୍ଟ୍ରୋଲରଙ୍କ ପାଖକୁ ନେଇଥିଲି । ସେଠାରେ ଯାଞ୍ଚ କରାଯିବା ପରେ ନଫିଜ୍ଙ୍କୁ ତାଙ୍କ ବ୍ୟାଗ୍ ଫେରାଇ ଦିଆଯାଇଥିଲା ।