ମୋଦୀ ନାଗରିକତା ବିଲ୍ରେ ସଂଶୋଧନ ଆଣିବା କଥା କହୁଥିବା ଶୁଣି ଆତ୍ମହତ୍ୟା ଧମକ ଦେଲେ ବିଜେପି ପ୍ରାର୍ଥୀ
ମୋଦୀଙ୍କ ଆଗରେ ମରିଯିବି, କିନ୍ତୁ ଏପରି ହେବାକୁ ଦେବି ନାହିଁ
ନୂଆଦିଲ୍ଲୀ : ୨୦୧୯ ଲୋକସଭା ନିର୍ବାଚନ ପାଇଁ ସବୁ ଦଳ ନିଜ ନିଜର ଇସ୍ତାହାର ଜାରି କରିଥିବା ବେଳେ ଏବେ ବିଜେପି ଜାରି କରିଥିବା ଇସ୍ତାହାରକୁ ନେଇ ବିବାଦ ଆରମ୍ଭ ହୋଇଛି । ବିବାଦ କୌଣସି ବିପକ୍ଷ ଦଳ ପକ୍ଷରୁ ନୁହେଁ ବରଂ ବିଜେପିର ହିଁ ଜଣେ ପ୍ରାର୍ଥୀ କରିଥିବା ସାମ୍ନାକୁ ଆସିଛି । ମେଘାଳୟର ସିଲଂ ଲୋକସଭା ଆସନରୁ ବିଜେପି ଟିକେଟ ପାଇ ନିର୍ବାଚନ ଲଢ଼ୁଥିବା ସମ୍ବୋରା ଶୁଲୋଇ ବିଜେପି ଇସ୍ତାହାରକୁ ବିରୋଧ କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗୁରୁବାର ପ୍ରଧାନମନ୍ତ୍ରୀ ମୋଦୀ ଆସାମର ବରାକ୍ ଘାଟିରେ ଭାଷଣ ଦେଇ ନାଗରିକତା ସଂଶୋଧନ ବିଧେୟକ ୨୦୧୬ରେ ପରିବର୍ତ୍ତନ ଆଣିବା କଥା କହିଥିଲେ । ମୋଦୀଜୀଙ୍କ ଏଭଳି ବୟାନ ପରେ ଗୁରୁବାର ଏକ ସାକ୍ଷାତକାର ଦେଇ ସମ୍ବୋରା ଏହାକୁ ବିରୋଧ କରିଥିଲେ । ତାଙ୍କ କହିବା ଅନୁଯାୟୀ, ପ୍ରଧାନମନ୍ତ୍ରୀଙ୍କୁ ମୁଁ ଏପରି କରିବାକୁ ଦେବି ନାହିଁ । ଯଦି ନାଗରିକତା ବିଲ୍ରେ କୌଣସି ସଂଶୋଧନ କରାଯାଏ, ତେବେ ମୁଁ ଆତ୍ମହତ୍ୟ କରିବି । ମୋଦୀଜୀଙ୍କ ଆଗରେ ମରିଯିବି । କିନ୍ତୁ ଏଭଳି ହେବାକୁ ଦେବି ନାହିଁ ବୋଲି କହିଥିଲେ ସମ୍ବୋରା ।