ୟୁରୋପରେ ମଧ୍ୟ ନାଗରିକତା ଆଇନକୁ ନେଇ ବିବାଦ: ମୁସଲିମ ଶରଣାର୍ଥୀଙ୍କୁ ଆଶ୍ରୟ ଦେବାକୁ ହଙ୍ଗେରୀ ଓ ପୋଲାଣ୍ଡ ଅମଙ୍ଗ
ନୂଆଦିଲ୍ଲୀ : ଭାରତରେ ନାଗରିକତା (ସଂଶୋଧନ) ଆଇନକୁ ନେଇ ଚର୍ଚ୍ଚା ଚାଲିଥିବାବେଳେ ୟୁରୋପରେ ମଧ୍ୟ ଶରଣାର୍ଥୀମାନଙ୍କୁ ନେଇ ବିତର୍କ ଲାଗି ରହିଛି । ୟୁରୋପୀୟ ଦେଶ ହଙ୍ଗେରୀର ପ୍ରଧାନମନ୍ତ୍ରୀ ଭିକ୍ଟର ଓରବାନ ମଧ୍ୟ ମୁସଲିମ ଶରଣାର୍ଥୀମାନଙ୍କୁ ନିଜର ଦେଶରେ ପ୍ରବେଶ ଅନୁମତି ନ ଦେବାକୁ ସଂକେତ ଦେଇଛନ୍ତି । ତାଙ୍କର ଏହି ମନ୍ତବ୍ୟକୁ ଭାରତରେ ବିଜେପି ନେତା ସୁବ୍ରମଣ୍ୟମ ସ୍ୱାମୀ ସମର୍ଥନ କରି ଟ୍ଵିଟ କରିବା ପରେ ତାହା ଚର୍ଚ୍ଚାର ଖୋରାକ ଯୋଗାଇଛି ।
Sambad is now on WhatsApp
Join and get latest news updates delivered to you via WhatsApp
ଟ୍ଵିଟରରେ ସ୍ୱାମୀ ଲେଖିଥିଲେ ଯେ ଗଣମାଧ୍ୟମ ରିପୋର୍ଟ ଅନୁସାରେ ହଙ୍ଗେରୀର ପ୍ରଧାନମନ୍ତ୍ରୀ ଘୋଷଣା କରିଛନ୍ତି ଯେ ତାଙ୍କ ଦେଶକୁ କେବଳ ଖ୍ରୀଷ୍ଟିଆନମାନଙ୍କୁ ହଙ୍ଗେରୀରେ ନାଗରିକତା ଦିଆଯିବ । ମୁସଲିମମାନଙ୍କୁ ଦିଆଯିବ ନାହିଁ ।
Hungary’s PM has just announced according one Delhi newspaper that only Christians will be allowed to immigrate to his country. Hungary will not allow Muslim immigrants. Any howls please?
— Subramanian Swamy (@Swamy39) January 1, 2020
ଚଳିତ ସପ୍ତାହ ଆରମ୍ଭରେ ଭିକ୍ଟର କହିଥିଲେ ଯେ ୟୁରୋପରେ ଲକ୍ଷ ଲକ୍ଷ ଶରଣାର୍ଥୀଙ୍କୁ ଅନୁମତି ଦେବା ଏକ ବଡ଼ ଭୁଲ । ୟୁରୋପୀୟ ଦେଶମାନଙ୍କରେ ମୁସିଲମ ଜନସଂଖ୍ୟା ଚିନ୍ତାଜନକଭାବେ ବଢିଚାଲିଛି ଓ ଖ୍ରୀଷ୍ଟିଆନ ଜନସଂଖ୍ୟା କମିଚାଲିଛି । ଏଣୁ ତାଙ୍କ ଦେଶ ମୁସଲିମମାନଙ୍କୁ ଶରଣାର୍ଥୀଭାବେ ନେବ ନାହିଁ ।
କେବଳ ହଙ୍ଗେରୀ ନୁହେଁ, ପୋଲାଣ୍ଡ ମଧ୍ୟ ଆଉ ମୁସଲିମ ଶରଣାର୍ଥୀମାନଙ୍କୁ ନ ନେବାକୁ ବିଚାର କରୁଛି । ପୋଲାଣ୍ଡର ଜଣେ ମନ୍ତ୍ରୀ କହିଛନ୍ତି ଯେ ତାଙ୍କ ଦେଶ ଜଣେ ମଧ୍ୟ ମୁସଲିମ ଶରଣାର୍ଥୀଙ୍କୁ ଶରଣ ଦେବ ନାହିଁ ।