ନୂଆଦିଲ୍ଲୀ: ପ୍ରଧାନ ବିଚାରପତି ଡି ୱାଇ ଚନ୍ଦ୍ରଚୂଡ଼ଙ୍କୁ ‘ଆୱାର୍ଡ ଫର ଗ୍ଲୋବାଲ ଲିଡରସିପ୍‌’ ମିଳିବ। ଦେଶ ଏବଂ ବିଶ୍ବରେ ଆଇନ ବୃତ୍ତିରେ ତାଙ୍କ ଜୀବନତମାମ ସେବା ପାଇଁ ସିଜେଆଇ ଚନ୍ଦ୍ରଚୂଡ଼ଙ୍କୁ ହାଭାର୍ଡ ଲ ସ୍କୁଲ୍‌ ସେଣ୍ଟର ଦ୍ବାରା ‘ଆୱାର୍ଡ ଫର୍‌ ଗ୍ଲୋବାଲ୍‌ ଲିଡରସିପ୍‌’ ପାଇଁ ମନୋନୀତ କରାଯାଇଛି। ଆସନ୍ତା ଜାନୁଆରି ୧୧ରେ ଏକ ଅନ୍‌ଲାଇନ କାର୍ଯ୍ୟକ୍ରମ ମାଧ୍ୟମରେ ଏହି ପୁରସ୍କାର ପ୍ରଦାନ କରାଯିବ। ଆମେରିକାର ହାଭାର୍ଡ ଲ ସ୍କୁଲ୍‌ ଏସ୍‌ଜେଡିରୁ ଚନ୍ଦ୍ରଚୂଡ଼ ଏଲ୍‌ଏଲଏମ ଡିଗ୍ରି ଏବଂ ଡକ୍ଟୋରେଟ୍‌ ହାସଲ କରିଛନ୍ତି। ଆସନ୍ତା ୧୧ ତାରିଖ କାର୍ଯ୍ୟକ୍ରମରେ ହାଭାର୍ଡ ଲ ସ୍କୁଲ୍‌ର ପ୍ରଫେସର ଡାଭିଡ ୱିଲକିନ୍ସ ସିଜେଆଇଙ୍କ ସହ କଥା ହେବେ।