ରାୟପୁର: ହାଟକୁ ଯାଇ ପତ୍ନୀଙ୍କ ପାଇଁ ଟିକିଲି, ସିନ୍ଦୂର ଓ ମେହେନ୍ଦି କିଣିଲେ ଛତିଶଗଡ଼ ମୁଖ୍ୟମନ୍ତ୍ରୀ | ବାସ୍ତବରେ ଛତିଶଗଡର ମୁଖ୍ୟମନ୍ତ୍ରୀ ଭୁପେଶ ବାଘେଲ ଏବେ ୯୦ଟି ବିଧାନସଭା ନିର୍ବାଚନମଣ୍ଡଳୀ ଗସ୍ତରେ ଆସିଛନ୍ତି। ମଙ୍ଗଳବାର ଦିନ ମୁଖ୍ୟମନ୍ତ୍ରୀ ବସ୍ତର ଜିଲ୍ଲାର କିଲେପାଲରେ ପହଞ୍ଚିଥିଲେ | ଲୋକଙ୍କ ପାଖରେ ସରକାରୀ ଯୋଜନା ଠିକ ଭାବେ ପହଞ୍ଚୁଛି ନା ନାହିଁ ତାହା ଜାଣିବାକୁ ମୁଖ୍ୟମନ୍ତ୍ରୀ ହାଟକୁ ଯାଇଥିଲେ | ଆଉ ହାଟରୁ ସେ ଜଣେ ଦୋକାନୀଙ୍କଠାରୁ ତାଙ୍କ ପତ୍ନୀଙ୍କ ପାଇଁ ଟିକିଲି, ସିନ୍ଦୁର ଓ ମେହେନ୍ଦି କିଣିଥିଲେ | ତେବେ ମୁଖ୍ୟମନ୍ତ୍ରୀ ଏବେ ଏହାର ଭିଡିଓ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
बस्तर के बड़े किलेपाल हाट बाज़ार में दुकानदार बसंत राय ने आवाज़ दी, “कका काकी बर टिकली बिंदी ले ले गा”
कैसे इनकार करता? हाट बाज़ार से श्रीमती जी के लिए श्रृंगार का सामान खरीदना अपने आपमें बहुत रूमानी है। pic.twitter.com/SOcRGhEUC2
— Bhupesh Baghel (@bhupeshbaghel) May 24, 2022
ବାସ୍ତବରେ, ମୁଖ୍ୟମନ୍ତ୍ରୀ ଭୁପେଶ ବାଘେଲ ଏକ ସଭା ପାଇଁ ଚିତ୍ରକୋଟ ବିଧାନସଭା ନିର୍ବାଚନ ମଣ୍ଡଳୀର କିଲେପାଲରେ ପହଞ୍ଚିଥିଲେ | ସେଠାରେ ହାଟ ଚାଲୁଥିବାବେଳେ ଲୋକଙ୍କୁ ଭେଟିବାକୁ ସେ ହାଟରେ ପହଂଚିଥିଲେ | ଏହି ସମୟରେ ଦୋକାନୀ ବସନ୍ତ ରାୟ କହିଥିଲେ ଯେ, ‘କାକା ଜି …. କାକିଙ୍କ ପାଇଁ ଟିକିଲି ନିଅନ୍ତୁ’ | ଏହି ସ୍ୱର ଶୁଣି ମୁଖ୍ୟମନ୍ତ୍ରୀ ଅଟକି ଯାଇଥିଲେ | ତେବେ ଦୋକାନୀ ଜଣକ ମୁଖ୍ୟମନ୍ତ୍ରୀ ବୋଲି ଜାଣି ଟିକେ ହଡ଼ବଡେ଼ଇ ଯାଇଥିଲେ |
କିନ୍ତୁ ମୁଖ୍ୟମନ୍ତ୍ରୀ କହିଥିଲେ ଯେ- ଆପଣ ଯାହା ରଖିଛନ୍ତି ତାହା ଦେଖାନ୍ତୁ | ତା’ପରେ ସେ ତାଙ୍କ ପତ୍ନୀଙ୍କ ପାଇଁ ବିନ୍ଦି, ସିନ୍ଦୂର ଏବଂ ମେହେନ୍ଦି କିଣିଥିଲେ | ଏହାକୁ ନେଇ ମୁଖ୍ୟମନ୍ତ୍ରୀ କହିଛନ୍ତି ଯେ ଆପଣ ଯେପରି ହାଟ ବଜାରରୁ ଅନେକ ଜିନିଷ କିଣନ୍ତି, ଠିକ ସେହିଭଳି, ମୁଁ ମୋ ପତ୍ନୀଙ୍କ ପାଇଁ ଟିକିଲି ଓ ସିନ୍ଦୂର କିଣିଛି | ମୁଖ୍ୟମନ୍ତ୍ରୀ ବାଘେଲ ପକେଟରୁ ୫୦୦ ଟଙ୍କା ବାହାର କରି ଦୋକାନୀଙ୍କୁ ଦେଇଥିଲେ।