ନୂଆଦିଲ୍ଲୀ: କରୋନା ସଂକଟ ବେଳେ ଲୋକମାନେ ବୃତ୍ତି ହରାଇ ରୋଜଗାର ସହ ଲଢେଇ କରୁଥିବା ବେଳେ କେନ୍ଦ୍ର ସରକାର ବାରମ୍ବାର ଅତ୍ୟାବଶକୀୟ ସାମଗ୍ରୀ ଉପରେ ଦର ବୃଦ୍ଧି କରିବାରେ ଲାଗିଛନ୍ତି । ଖାଇବା ତେଲଠାରୁ ପେଟ୍ରୋଲ ଡିଜେଲ ପର୍ଯ୍ୟନ୍ତ ଦାମ ଆକଶ ଛୁଆଁ ।
Sambad is now on WhatsApp
Join and get latest news updates delivered to you via WhatsApp
ଏହାରି ମଧ୍ୟରେ ସରକାର ଗତ ସପ୍ତାହରେ ଘରୋଇ ଗ୍ୟାସ ସିଲିଣ୍ଡର ଉପରେ ଦର ବୃଦ୍ଧି କରିଥିବା ବେଳେ ଏବେ ପୁଣି ସିଏନଜି ଓ ପିଏନଜି ଉପରେ ଦର ବୃଦ୍ଧି ହୋଇଛି । ଏବେ ସିଏନଜିରେ ଚାଲୁଥିବା ଗାଡ଼ି ଓ ପାଇପଲାଇନ ଯୋଗେ ନେଇଥିବା ଗ୍ୟାସ ଉପଭୋକ୍ତାଙ୍କ ଉପରେ ଏହାର ପ୍ରଭାବ ପଡ଼ିବାକୁ ଯାଉଛି ।
ଗୁରୁବାର ଦିନ ତୈଳ କମ୍ପାନୀମାନେ ସିଏନଜି ଗ୍ୟାସ ଲିଟର ପ୍ରତି ୯୦ ପଇସା ବୃଦ୍ଧି କରିଛନ୍ତି । ଏହାସହ ପିଏନଜି ଉପରେ ବି ୧.୨୫ ଟଙ୍କା ବୃଦ୍ଧି ହୋଇଛି । ଏହି ଦର ଆଜି ସକାଳ ୬ଟାରୁ ଲାଗୁ ହୋଇଛି । ଏହିଦର ବୃଦ୍ଧି ପରେ ଖୁଚରା ବଜାରରେ ସିଏନଜି ଲିଟର ପ୍ରତି ୪୪.୩୦ ଟଙ୍କା ଓ ପିଏନଜି ୨୯.୬୬ ଟଙ୍କାରେ ପହଂଚିଛି ।
କହିରଖୁ କି ଜୁଲାଇ ପହିଲାରୁ ଅନେକ ଅତ୍ୟାବଶକୀୟ ସାମଗ୍ରୀର ଦର ବୃଦ୍ଧି ହୋଇଛି । ଗୋଟେ ପଟେ ପେଟ୍ରୋଲ ଓ ଡିଜେଲ ଦର ଜନତାଙ୍କ ଉପରେ ବୋଝ ପରି ମାଡିପଡୁଥିବା ବେଳେ ଜୁଲାଇ ପହିଲାରୁ ଏଲପିଜି ଦର ୨୫ ଟଙ୍କା ବୃଦ୍ଧି ହୋଇଥିଲା । ଏହାସହ ଅମୁଲ କ୍ଷୀରର ଦାମ ପ୍ୟାକେଟ ପ୍ରତି ୨ ଟଙ୍କା ବୃଦ୍ଧି କରିବାକୁ କମ୍ପାନି ପକ୍ଷରୁ ନିଷ୍ପତ୍ତି ନିଆଯାଇଛି ।