କୋଇଲା ଦୁର୍ନୀତି ମାମଲା: ଅଭିଷେକ ବାନାର୍ଜୀଙ୍କ ପତ୍ନୀଙ୍କୁ ଇଡି ଜେରା

କୋଲକାତା : ବହୁ କୋଟି ଟଙ୍କାର କୋଇଲା ଦୁର୍ନୀତି ମାମଲାରେ ଏନ୍‌ଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ଗୁରୁବାର ଦିନ ତୃଣମୂଳ କଂଗ୍ରେସ ସାଂସଦ ଅଭିଷେକ ବାନାର୍ଜୀଙ୍କ ପତ୍ନୀ ରୁଜିରା ନରୁଲା ବାନାର୍ଜୀଙ୍କୁ ପଚରାଉଚରା କରିଛି। ପୂର୍ବାହ୍ନ ୧୧ଟାରେ ରୁଜିରା ସିଜିଓ କମ୍ପ୍ଲେକ୍ସସ୍ଥିତ ଇଡି କାର୍ଯ୍ୟାଳୟରେ ପହଞ୍ଚିଥିଲେ। ଦୁଇଜଣ ମହିଳାଙ୍କ ସମେତ ଚାରିଜଣ ଅଧିକାରୀ ତାଙ୍କୁ ପଚରା ଉଚରା କରିଥିଲେ। ବ୍ୟାଙ୍କ୍‌ରେ ଥିବା ଏକ ବ୍ୟାଙ୍କ ଆକାଉଣ୍ଟରେ କରାଯାଇଥିବା କିଛି କାରବାର ବିଷୟରେ ଅଧିକାରୀମାନେ ରୁଜିରାଙ୍କୁ ପଚରା ଉଚରା କରିଥିଲେ। କୋଲକାତାର କୋଇଲା ଚୋରା ଚାଲାଣ ମାମଲାରେ ବାନାର୍ଜୀ ଏବଂ ତାଙ୍କ ପତ୍ନୀଙ୍କୁ ୨୪ ଘଣ୍ଟିଆ ନୋଟିସ୍‌ ଦେଇ ପଚରା ଉଚରା କରିବା ପାଇଁ ସୁପ୍ରିମକୋର୍ଟ ଅନୁମତି ଦେଇଛନ୍ତି।