କର୍ଣ୍ଣାଟକରେ ଅସାଧୁ ମେଣ୍ଟ, ବେଶିଦିନ ତିଷ୍ଠିବ ନାହିଁ, ଲେଖିକି ରଖନ୍ତୁ : ଅମିତ ଶାହା
ଓଡ଼ିଶାରେ ଉନ୍ନତି କରିଛୁ
ନୂଆଦିଲ୍ଲୀ : କର୍ଣ୍ଣାଟକରେ ଜେଡିଏସ ଓ କଂଗ୍ରେସ ମଧ୍ୟରେ ହୋଇଥିବା ମେଣ୍ଟ ଏକ ଅସାଧୁ ମେଣ୍ଟ । ଏହା ବେଶି ଦିନ ତିଷ୍ଠିବ ନାହିଁ । ଜନାଦେଶ ଏହି ମେଣ୍ଟ ବିପକ୍ଷରେ ଥିଲା । କିନ୍ତୁ ଖୁବଶୀଘ୍ର ଲୋକମାନେ ଏହି ମେଣ୍ଟକୁ ଏମିତି ଶିକ୍ଷା ଦେବେ ଯେ ଏମାନେ ଦୀର୍ଘଦିନ ଧରି ମନେ ରଖିବେ ବୋଲି କହିଛନ୍ତି ବିଜେପି ଅଧ୍ୟକ୍ଷ ଅମିତ ଶାହ । ଏକ ଜାତୀୟ ସ୍ତରୀୟ ଗଣମାଧ୍ୟମକୁ ସାକ୍ଷାତକାର ଦେଇ ସେ କହିଛନ୍ତି ଯେ ବିଜେପି ପକ୍ଷରୁ କୌଣସି ବିରୋଧୀ ବିଧାୟକଙ୍କୁ କିଣିବାକୁ ୧୦୦ କୋଟି ଟଙ୍କା ଦିଆଯାଇ ନଥିଲା । କିନ୍ତୁ ଆମେ ସରକାର ଗଢିବାକୁ ଉଦ୍ୟମ କରିଥିଲୁ ଏହି ଆଶାରେ ଯେ କେତେକ ବିଧାୟକଙ୍କ ଅନ୍ତରାତ୍ମା ଜାଗିବ ଓ ସେମାନେ ଜନାଦେଶର ସମ୍ମାନ କରିବେ । ବିଜେପି କର୍ଣ୍ଣାଟକ ନିର୍ବାଚନରେ ଭଲ ପ୍ରଦର୍ଶନ କରିଥିଲା ।
Sambad is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛନ୍ତି ଯେ ଆସନ୍ତା ବର୍ଷ ହେବାକୁ ଥିବା ସାଧାରଣ ନିର୍ବାଚନରେ ନରେନ୍ଦ୍ର ମୋଦି ଆହୁରି ଭାରି ଜନାଦେଶ ସହ ଜିତିବେ । ଓ଼ଡ଼ିଶା ସଂପର୍କରେ ସେ କହିଛନ୍ତି ଯେ ଓଡ଼ିଶାରେ ଦଳର ସ୍ଥିତିରେ ଉଲ୍ଲେଖନୀୟ ଉନ୍ନତି ହୋଇଛି । ଓଡ଼ିଶାରେ ଦଳ ୩ୟ ସ୍ଥାନରୁ ୨ୟ ସ୍ଥାନରେ ପହଞ୍ଚିଛି ।