ପାକିସ୍ତାନୀ ‘ଅଲ୍ ମଦିନା’ ବୋଟକୁ ସମୁଦ୍ର ମଧ୍ୟରେ ଜବତ କଲା ଭାରତୀୟ କୋଷ୍ଟ ଗାର୍ଡ; ବୋଟରେ ୬୦୦ କୋଟିର ହେରୋଇନ୍ ହେଉଥିଲା ଚୋରା ଚାଲାଣ
ମୁମ୍ବାଇ/ ନୂଆଦିଲ୍ଲୀ: ଭାରତୀୟ କୋଷ୍ଟ ଗାର୍ଡ (ତଟରକ୍ଷୀ ବାହିନୀ) ଆଜି ଅପରାହ୍ଣରେ ଗୁଜୁରାଟ ଉପକୂଳରୁ ‘ଅଲ୍ ମଦିନା’ ନାମକ ଏକ ପାକିସ୍ତାନୀ ମାଛଧରା ବୋଟକୁ ଜବତ କରିବା ସହ ତା’ ମଧ୍ୟରୁ ୬୦୦ କୋଟି ଟଙ୍କା ମୂଲ୍ୟର ନିଷିଦ୍ଧ ମାଦକ ଦ୍ରବ୍ୟକୁ ଜବତ କରିଛି।
Sambad is now on WhatsApp
Join and get latest news updates delivered to you via WhatsApp
ହସ୍ତଗତ ହୋଇଥିବା ଘଟଣାର ରିପୋର୍ଟରୁ ପ୍ରକାଶ ପାକିସ୍ତାନରୁ ୧୦୦ କିଲୋ ହେରୋଇନ୍ ‘ଅଲ୍ ମଦିନା’ ଏକ ମାଛଧରା ବୋଟରେ ବୋଝେଇ ହୋଇ ଭାରତକୁ ଚୋରା ଚାଲାଣ ହେଉଥିବା ନେଇ ସୋମବାର ସନ୍ଧ୍ୟାରେ ଏକ ବିଶ୍ୱସ୍ତ ସୂତ୍ରରୁ ନିର୍ଦ୍ଧିଷ୍ଟ ଖବର ପାଇବା ପରେ ଭାରତୀୟ କୋଷ୍ଟ ଗାର୍ଡ ଓ ଡାଇରେକ୍ଟୋରେଟ୍ ଅଫ୍ ରେଭିନ୍ୟୁ ଇଣ୍ଟେଲିଜେନ୍ସ ପକ୍ଷରୁ ମିଳିତ ଭାବରେ ଚଢ଼ାଉ କରାଯାଇ ଗୁଜୁରାଟର ପୋର ବନ୍ଦର ଉପକୂଳରୁ ଏହି ପାକିସ୍ତାନୀ ମାଛଧରା ବୋଟକୁ ଜବତ କରିଥିଲେ।
Indian Coast Guard apprehended a Pakistani fishing boat today inside Indian waters off International Maritime Boundary Line, 194 packets of suspected narcotic substances seized from it. Further investigation underway. pic.twitter.com/sguQ1QFrxZ
— ANI (@ANI) May 21, 2019
ଅନ୍ତର୍ଜାତୀୟ ଜଳସୀମାକୁ ଉଲ୍ଲଂଘନ କରି ଭାରତୀୟ ଜଳସୀମା ମଧ୍ୟକୁ ପଶି ଆସିଥିବା ଏହି ମାଛଧରା ବୋଟ ‘ଅଲ୍ ମଦିନା’କୁ ଜବତ କରାଯିବା ପରେ ତା’ ମଧ୍ୟରେ ୧୯୪ଟି ପ୍ୟାକେଟ ମଧ୍ୟରେ ରଖା ଯାଇଥିବା ୧୦୦ କିଲୋ ଓଜନ ହେରୋଇନ୍କୁ ମଧ୍ୟ ଜବତ କରିଥିଲା ଭାରତୀୟ କୋଷ୍ଟ ଗାର୍ଡ। ଜବତ ହୋଇଥିବା ଏହି ୧୦୦ କିଲୋ ହେରୋଇନ୍ର ମୂଲ୍ୟ ଭାରତୀୟ ମୁଦ୍ରାରେ ୬୦୦ କୋଟି ଟଙ୍କା ହେବ। ଏ ଘଟଣା ସଂପର୍କରେ ଏବେ ମାଛଧରା ବୋଟର ଚାଳକକୁ ଅଟକ ରଖାଯାଇ ଅଧିକ ତଦନ୍ତ ଜାରି ରହିଥିବା ଭାରତୀୟ କୋଷ୍ଟ ଗାର୍ଡ ପକ୍ଷରୁ ଜାରି ଏକ ବିବୃତିରେ କୁହାଯାଇଛି। ହେରୋଇନ୍ ବୋଝେଇ ଏହି ପାକିସ୍ତାନୀ ମାଛଧରା ବୋଟକୁ କାବୁ କରିବା ପାଇଁ ଭାରତୀୟ କୋଷ୍ଟ ଗାର୍ଡ ପକ୍ଷରୁ ସି- ୪୩୭ ଓ ସି- ୪୦୮ ନାମକ ଦୁଇଟି ଇଣ୍ଟରସେପ୍ଟର ବୋଟ୍କୁ ବ୍ୟବହାର କରା ଯାଇଥିଲା।