ମହିଳାଙ୍କ ପେଟରୁ ବାହାରିଲା ୩୩.୫ କିଲୋର ଟ୍ୟୁମର! ଏତେ ବଡ଼ ଟ୍ୟୁମର ବିଶ୍ୱରେ ପ୍ରଥମ ହୋଇଥିବା ନେଇ ଚର୍ଚ୍ଚା
କୋଏମ୍ବାଟୁର : କୋଏମ୍ବାଟୁରରେ ଡ଼ାକ୍ତରୀ ଦଳ ଏକ ଅସମ୍ଭବ ଜିନିଷକୁ ସମ୍ଭବ କରି ଦେଖାଇଥିବା ଜଣାପଡ଼ିଛି । ପ୍ରଥମ ଥର ପାଇଁ ଜଣେ ମହିଳାଙ୍କ ପେଟରୁ ୩୩.୫କିଲୋର ଟ୍ୟୁମର ବାହାର କରି ଇତିହାସ ରଚିଛନ୍ତି ଡ଼ାକ୍ତର । ମହିଳାଙ୍କ ନାମ ବସନ୍ତା ବୋଲି ଜଣା ପଡ଼ିଥିବା ବେଳେ ସେ କୋଏମ୍ବାଟୁରର ଉଟିରେ ରହୁଥିବା ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ଚାଷ କାମ କରି ଜୀବନ ବିତାଉଥିବା ବସନ୍ତାଙ୍କ ପେଟରେ ଅଚାନକ ଯନ୍ତ୍ରଣା ଅନୁଭବ ହେବାରୁ ସେ ଡ଼ାକ୍ତରଖାନାରେ ପହଞ୍ଚିଥିଲେ । ଏହା ପରେ ତାଙ୍କ ଅଣ୍ଡାଶୟରେ ଟ୍ୟୁମର ଥିବା ଜଣାଇଥିଲେ ଡ଼ାକ୍ତର । ଡ଼ାକ୍ତର ଅସ୍ତ୍ରୋପଚାର କରିବା କଥା କହିବାରୁ ବସନ୍ତା ଡ଼ରରେ ଅସ୍ତ୍ରୋପଚାର ପାଇଁ ମନା କରି ଦେଇଥିଲେ । ଔଷଧ ନେଇ ଏହାକୁ ଭଲ କରିବା ପାଇଁ ଭାବିଥିବା ବସନ୍ତାଙ୍କ ଯନ୍ତ୍ରଣା ଧିରେ ଧିରେ ବଢ଼ିବାକୁ ଲାଗିଥିଲା । ଖାଦ୍ୟ ଖାଇବାରେ ଅସୁବିଧା ହେବାରୁ ବସନ୍ତା କୋଏମ୍ବାଟୁରରେ ଥିବା ଏକ ହସ୍ପିଟାଲକୁ ଆସି ଦେଖାଇବା ପରେ ହସ୍ପିଟାଲ ତରଫରୁ ଅସ୍ତ୍ରୋପଚାର କଥା କୁହାଯାଇଥିଲା । ଅନ୍ୟ କିଛି ବାଟ ନଥିବା ଜାଣି ବସନ୍ତା ଅସ୍ତ୍ରୋପଚାର କରିବା ପାଇଁ ରାଜି ହୋଇଥିଲେ ।
୩ ଘଣ୍ଟାର ଅସ୍ତ୍ରୋପଚାର ପରେ ବସନ୍ତାଙ୍କ ପେଟରୁ ୩୩.୫ କିଲୋର ଟ୍ୟୁମର ବାହାରିଥିଲା । ଅସ୍ତ୍ରୋପଚାର ପରେ ଏହା ଦୁନିଆର ସବୁଠାରୁ ବଡ଼ ଓଭାରିୟାନ କ୍ୟାନସର ଥିଲା ବୋଲି ଡ଼ାକ୍ତର କହିଛନ୍ତି । ଗିନିଜ୍ ବୁକ୍ ଅଫ୍ ରେକର୍ଡ଼ସକୁ ଏ ନେଇ ସୂଚନା ଦିଆ ଯାଇଥିବା ଜଣା ପଡ଼ିଛି ।