କଳା, ନୀଳ ଓ ବାଇଗଣୀ ରଙ୍ଗର ଗହମ ପ୍ରସ୍ତୁତ କଲେ ଭାରତୀୟ ବୈଜ୍ଞାନିକ
ଚଣ୍ଡିଗଡ଼: ଗହମର ରଙ୍ଗ କଣ? ଯଦି ଆପଣଙ୍କୁ ପଚରାଯାଏ ଆପଣ ସୁନେଲି ରଙ୍ଗ ହିଁ କହିବେ | ତେବେ ଖୁବ ଶୀଘ୍ର ବଜାରରେ ଉପଲବ୍ଧ ହେବାକୁ ଯାଉଛି ରଙ୍ଗିନ ଗହମ | କଳା, ନୀଳ ଓ ବାଇଗଣୀ ରଙ୍ଗର ଗହମ ପ୍ରସ୍ତୁତ କରାଯାଇଛି | ତେବେ ଗହମରେ କୌଣସି କୁତ୍ରିମ ରଙ୍ଗ ମିଶାଇ ବା ଗହମରେ ଅପମିଶ୍ରିତ ରଙ୍ଗ ମିଶାଇ ଏହାକୁ କରାଯାଇନାହିଁ ବରଂ ପଞ୍ଜାବର ମୋହାଲିରେ ଥିବା ନ୍ୟାସନାଲ ଏଗ୍ରିଫୁଡ ବାୟୋଟେକନୋଲୋଜି ଇନଷ୍ଟିଚ୍ୟୁଟର ବୈଜ୍ଞାନିକମାନେ ଏଭଳି ଗହମ ପ୍ରସ୍ତୁତ କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ବଡ କଥା ଯେ ଏହି ଗହମ ବଜାରରେ ମିଳୁଥିବା ଗହମଠାରୁ ଅଧିକ ପୋଷାକ ତତ୍ତ୍ୱରେ ଭରପୁର ଥିବାବେଳେ ବହୁ ରୋଗ ନିରାକରଣରେ ସହାୟକ ହେଉଛି | କଳା ଓ ବାଇଗଣୀ ରଙ୍ଗର ଗହମ ରକ୍ତଚାପ ଓ କୋଲେଷ୍ଟ୍ରଲ ମାତ୍ରାକୁ କମାଇବାରେ ସହାୟକ ହୋଇଥାଏ | ଏହି ଗହମ ପ୍ରସ୍ତୁତ କରିବାରେ ମୁଖ୍ୟ ଭୂମିକା ଗ୍ରହଣ କରିଥିବା ବୈଜ୍ଞାନିକ ଡ. ମୋନିକା ଗର୍ଗ କହିଛନ୍ତି ଯେ ବଜାରରେ ମିଳୁଥିବା ପାରମ୍ପରିକ ଗହମଠାରୁ ରଙ୍ଗିନ ଗହମରେ ଅଧିକ ପୋଷାକ ତତ୍ୱ ରହିଛି |
ରଙ୍ଗୀନ ଗହମରେ ଜିଙ୍କ, ଆଇରନ ଓ ଆଣ୍ଟି ଅକ୍ସିଡେଣ୍ଟ ଥିବାବେଳେ ଏହାକୁ ଏଂଥୋସାୟାନିନ କୁହାଯାଇଥାଏ | ସାଧାରଣତଃ ଏଂଥୋସାୟାନିନ ଜାମୁକୋଳିରେ ମିଳୁଥିବାବେଳେ ଏବେ ଗହମରେ ମଧ୍ୟ ମିଳିପାରିବ | ତେବେ ରଙ୍ଗିନ ଗହମ ପ୍ରସ୍ତୁତି ପାଇଁ ୬ ବର୍ଷରୁ ଅଧିକ ସମୟ ଲାଗିଛି | ଆଉ ଏହି ଗହମ ବିହନ କିଣି ଚାଷ କରିବା ପାଇଁ ବଡ ବଡ କମ୍ପାନୀମାନେ ଆଗ୍ରହ ପ୍ରକାଶ କରିଛନ୍ତି | ଆଇଟିସି ଲିମିଟେଡ଼, ବଂଶଲ ମେକର୍ସ ସହ ୨୮ଟି କମ୍ପାନୀ ରଙ୍ଗୀନ ଗହମ ଚାଷ କରି ଅଟା ପ୍ରସ୍ତୁତ କରିବାକୁ ଅଣ୍ଟା ଭିଡିଥିବାରୁ ଖୁବ ଶୀଘ୍ର ଆପଣ ମଧ୍ୟ ରଙ୍ଗୀନ ଅଟା ଦେଖିବାକୁ ପାଇବେ |