ନୂଆଦିଲ୍ଲୀ : ଭାରତ ହାତକୁ ରାଫେଲ ବିମାନ ଆସିବା ପରେ ଭାରତୀୟ ବାୟୁସେନାର ଶକ୍ତି ଅନେକଗୁଣ ବଢିଯିବ । କାରଣ ରାଫେଲ ଓ ଭାରତ ପାଖରେ ଏବେ ଥିବା ସୁଖୋଇ-୩୦ଏମକେଆଇ ର ମିଳିତ ଶକ୍ତି ଯେକୌଣସି ଶତ୍ରୁକୁ ପରାସ୍ତ କରିବାକୁ ସକ୍ଷମ ହେବେ ବୋଲି କହିଛନ୍ତି ଭାଇସ ଚିଫ ଏୟାର ମାର୍ସାଲ ଆରକେ ଭଦୋରିଆ । ଫ୍ରାନ୍ସରେ ଏବେ ଚାଲିଥିବା ଭାରତ-ଫ୍ରାନ୍ସ ମିଳିତ ଯୁଦ୍ଧାଭ୍ୟାସ ଅବସରରେ ସୁଖୋଇ ଓ ରାଫେଲର ମିଳିତ ଶକ୍ତିକୁ ପରଖାଯାଇଛି । ଭାରତ ପାଖରେ ଏବେ ୨୦୦ରୁ ଅଧିକ ସୁଖୋଇ-୩୦ଏମକେଆଇ ବିମାନ ଥିବାବେଳେ ସେପ୍ଟେମ୍ବର ସୁଦ୍ଧା ପ୍ରଥମ ରାଫେଲ ବିମାନ ଭାରତରେ ପହଞ୍ଚିବ ।

Advertisment

publive-image News Track

ଗତ ଫେବ୍ରୁଆରୀ ୨୬ରେ ଭାରତ କରିଥିବା ବାଲାକୋଟ ଏୟାରଷ୍ଟ୍ରାଇକ ପରି ଅପରେସନ ପାକସ୍ତାନ କରିବାକୁ ସାହସ କରିବ କି ବୋଲି ଏକ ପ୍ରଶ୍ନର ଉତ୍ତର ଦେଇ ସେ କହିଛନ୍ତି ଯେ ଏଭଳି ଦୁଃସାହାସ ପାକିସ୍ତାନ କେବେ କରିବ ନାହିଁ । କାରଣ ଏପରି କଲେ ସୁଖୋଇ ଓ ରାଫେଲର ମିଳିତ ଆକ୍ରମଣକୁ ପାକିସ୍ତାନ ବାୟୁସେନା ସମ୍ଭାଳିପାରିବ ନାହିଁ । ଭାରତୀୟ ବାୟୁସେନା ନିଜର ସୁଖୋଇ ଓ ରାଫେଲ ମାଧ୍ୟମରେ ଏପରି ଆକ୍ରମଣ କରିବ ଯେ ପାକିସ୍ତାନ ପ୍ରବଳ କ୍ଷତିର ସମ୍ମୁଖୀନ ହେବ ।