ମୁକ୍ତିଲାଭ କଲା 'କମାଣ୍ଡୋ-ଥ୍ରୀ', ଭାରତକୁ ଧ୍ବଂସ ଯୋଜନାକୁ ବିଫଳ କାହାଣୀ ଦେଖିବେ ଦର୍ଶକ

ମୁମ୍ବାଇ: ଶୁକ୍ରବାର ରିଲିଜରେ ବଲିଉଡ ପରଦାରେ ମୁକ୍ତିଲାଭ କରିଛି ଆକ୍ସନ-ଡ୍ରାମା ଚଳଚ୍ଚିତ୍ର ‘କମାଣ୍ଡୋ - ଥ୍ରୀ’ । ଏଥିରେ ପୁଣିଥରେ ଅଭିନେତା ବିଦ୍ୟୁତ ଜମାଲ କମାଣ୍ଡୋ ଭାବେ ପରଦାରେ ନଜର ଆସିଛନ୍ତି । ଫିଲ୍ମରେ ବିଦ୍ୟୁତଙ୍କ ବିପକ୍ଷରେ ନାୟିକା ଭାବେ ଅଭିନେତ୍ରୀ ଅଦା ଶର୍ମାଙ୍କୁ ଦେଖିବାକୁ ମିଳିଛି । କମାଣ୍ଡୋ ଓ କମାଣ୍ଡୋ - ଟୁ ପରେ ଏବେ ମେକର ଭେଟି ଦେଇଛନ୍ତି କମାଣ୍ଡୋ ସିରିଜର ତୃତୀୟ ସଂସ୍କରଣ । ଏଥିରେ ବି ଅଭିନେତା ବିଦ୍ୟୁତ ଜମାଲଙ୍କୁ ନାୟକ ଭାବେ ଦେଖିବାକୁ ମିଳିଛି ।

ସିନେମାର କାହାଣୀ ଜଣେ ଅନ୍ତର୍ଜାତୀୟ ଆତଙ୍କବାଦୀକୁ ନେଇ ଗତିଶୀଳ ହୋଇଛି । ଯିଏ କି ଭାରତକୁ ଧ୍ୱଂସ କରିବାର ଯୋଜନା କରେ । ଆଉ ଲଣ୍ଡନରେ ଲୁଚି ରହିଥିବା ଏହି ଆତଙ୍କବାଦୀକୁ ଧରିବା ପାଇଁ ଭାରତୀୟ ସେନାର ସ୍ପେଶାଲ କମାଣ୍ଡୋ କରଣଙ୍କୁ ନିୟୋଜିତ କରାଯାଏ । ଭଦ୍ର ମୁଖା ତଳେ ଲୁଚିରହିଥିବା କୁଖ୍ୟାତ ଆତଙ୍କବାଦୀକୁ ଧରିବା ପାଇଁ କରଣଙ୍କ ସାଥ ଦିଅନ୍ତି ଦୁଇ ଜଣ ମହିଳା ଅଫିସର ।

ହାଇ ଭୋଲଟେଜ୍ ଆକ୍ସନ, ଦମଦାର ଡାଏଲଗ ଆଉ ଆକର୍ଷଣୀୟ ଗୀତକୁ ନେଇ ପ୍ରସ୍ତୁତ ହୋଇଥିବା ଏହି ସିନେମାଟି ଦର୍ଶକଙ୍କୁ ପସନ୍ଦ ଆସିବ ବୋଲି ଆଶା କରାଯାଉଛି । ଦମଦାର କାହାଣୀ ସହ ଆକର୍ଷଣୀୟ ଗୀତକୁ ମଧ୍ୟ ଏହି ସିନେମାରେ ସ୍ଥାନ ଦେଇଛନ୍ତି ମେକର । ଫିଲ୍ମରେ ସ୍ଥାନ ପାଇଥିବା ଆକର୍ଷଣୀୟ ଗୀତଗୁଡିକୁ ସଙ୍ଗୀତରେ ସଜାଇଛନ୍ତି ମନ୍ନନ ଶାହ । ବିପୁଲ ଅମୃତଲାଲ ଶାହଙ୍କ ପ୍ରଯୋଜନାରେ ପ୍ରସ୍ତୁତ ହୋଇଥିବା ଏହି ସିନେମାର ନିର୍ଦ୍ଦେଶନା ଦେଇଛନ୍ତି ଆଦିତ୍ୟ ଦତ । ଏଥିରେ ଅଭିନେତା ବିଦ୍ୟୁତଙ୍କ ବିପକ୍ଷରେ ନାୟିକା ଭାବେ ଅଭିନେତ୍ରୀ ଅଦା ଶର୍ମାଙ୍କୁ ଦେଖିବାକୁ ମିଳିଛି ।