ପାକିସ୍ତାନକୁ ସୁହାଇବା ଭଳି ମନ୍ତବ୍ୟ ମହଙ୍ଗା ପଡ଼ିଲା: ସହକାରୀ ପ୍ରଫେସର ଅଲୀ ଖାନ୍‌ ଗିରଫ

ନୂଆଦିଲ୍ଲୀ: ପାକିସ୍ତାନ ଓ ପାକ୍‌ ଅଧିକୃତ କାଶ୍ମୀରରେ ଥିବା ଆତଙ୍କବାଦୀଙ୍କ ଆଡ୍ଡା ଉପରେ ଭାରତର ଆକ୍ରମଣ, ଅପରେସନ୍‌ ସିନ୍ଦୂର ଓ ମହିଳା ସାମରିକ ଅଧିକାରୀଙ୍କୁ ସମାଲୋଚନା କରି ଅଶୋକା ବିଶ୍ବବିଦ୍ୟାଳୟର ସହକାରୀ ପ୍ରଫେସଲ ଅଲୀ ଖାନ୍‌ ମହମୁଦାବାଦ ଗିରଫ ହୋଇଛନ୍ତି। 

ସହକାରୀ ପୁଲିସ କମିସନର ଅଜିତ ସିଂହ ରାୟ କହିଛନ୍ତି, ସାମାଜିକ ଗଣମାଧ୍ୟମରେ  ଖାନ୍‌ଙ୍କ ମନ୍ତବ୍ୟ ବିରୋଧରେ ବିଜେପି ଯୁବମୋର୍ଚ୍ଚା ପକ୍ଷରୁ ଲିଖିତ ଅଭିଯୋଗ ହୋଇଥିଲା।   ଅଭିଯୋଗ ଭିତ୍ତିରେ ତଦନ୍ତ କରାଯିବା ପରେ ଆଜି ତାଙ୍କୁ ଗିରଫ କରାଯାଇଛି।  ଅନ୍ୟପକ୍ଷରେ ବିଶ୍ବବିଦ୍ୟାଳୟ କର୍ତ୍ତୃପକ୍ଷ ମଧ୍ୟ ମାମଲାର ତଦନ୍ତରେ ପୁଲିସକୁ ସମସ୍ତ ସହଯୋଗ କରିବାକୁ ପ୍ରତିଶ୍ରୁତି ଦେଇଛନ୍ତି।   ହରିୟାଣା ରାଜ୍ୟ ମହିଳା କମିସନ ମଧ୍ୟ ପ୍ରଫେସରଙ୍କ ମନ୍ତବ୍ୟ ଉପରେ ନିଜଆଡ଼ୁ ପଦକ୍ଷେପ ନେଇ ନୋଟିସ୍‌ ଜାରି କରିଛନ୍ତି।

ମହିଳା କମିସନଙ୍କ ନୋଟିସର  ସ୍ପଷ୍ଟୀକରଣ ଦେଇ ଖାନ୍‌ କହିଥିଲେ, ତାଙ୍କ  ମନ୍ତବ୍ୟର ଭୁଲ ଅର୍ଥ ବାହାର କରାଯାଇଛି। ଦୁଇ ମହିଳା ଅଧିକାରୀଙ୍କୁ ନିଯୁକ୍ତି ଦେଇ ଭାରତର ବିବଧତାକୁ ଗୁରୁତ୍ବ ଦିଆଯାଇଛି ବୋଲି ସେ କହିଥିଲେ। ‌ ନୋଟିସରେ  ତାଙ୍କର ବୟାନ କେଉଁଭଳି ଭାବେ ମହିଳାଙ୍କ ଅଧିକାର ଏବଂ ଆଇନର ବିରୋଧ କରୁଛି ତାହା ସ୍ପଷ୍ଟ କରାଯାଇନାହିଁ ବୋଲି  ଖାନ୍‌ କହିଛନ୍ତି