ରାଜସ୍ଥାନ କଂଗ୍ରେସ କନ୍ଦଳ : ଗେହଲୋଟ ଓ ପାଇଲଟଙ୍କୁ ଭେଟିଲେ ରାହୁଲ, ଖଡ଼ଗେ
ଜୟପୁର : ରାଜସ୍ଥାନ କଂଗ୍ରେସରେ ଚାଲିଥିବା କନ୍ଦଳର ଅନ୍ତ ଘଟାଇବା ପାଇଁ କଂଗ୍ରେସ ନେତୃତ୍ୱ ଏବେ ସମ୍ପୂର୍ଣ୍ଣ ସକ୍ରିୟ ହୋଇଯାଇଛନ୍ତି । କଂଗ୍ରେସ ନେତା ରାହୁଲ ଗାନ୍ଧି ଏବଂ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ନିଜେ ଏହି ପ୍ରସଙ୍ଗରେ ସକ୍ରିୟ ହୋଇଛନ୍ତି। ଉଭୟ ନେତା ସୋମବାର ସଚିନ ପାଇଲଟ ଏବଂ ଅଶୋକ ଗେହଲଟଙ୍କୁ ପୃଥକ ଭାବେ ଭେଟିଥିଲେ। ରାହୁଲ ଗାନ୍ଧୀ ପ୍ରଥମେ ଅଶୋକ ଗେହଲଟଙ୍କୁ ଭେଟିବା ପରେ ସଚିନ ପାଇଲଟ ମଧ୍ୟ ତାଙ୍କୁ ଭେଟିବାକୁ ଆସିଥିଲେ।
Sambad is now on WhatsApp
Join and get latest news updates delivered to you via WhatsApp
ରାଜସ୍ଥାନରେ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏବଂ ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟଙ୍କ ମଧ୍ୟରେ ବିବାଦର ସମାଧାନ ପାଇଁ କଂଗ୍ରେସର କେନ୍ଦ୍ରୀୟ ନେତୃତ୍ୱ ନେତାମାନଙ୍କ ସହ ଏହି ବୈଠକ କରିଥିଲେ। ଗେହଲଟ ପ୍ରଥମେ ଖଡଗେ ଓ ରାହୁଲ ଗାନ୍ଧିଙ୍କୁ ଭେଟିଥିଲେ ଏବଂ ଏହାର ପ୍ରାୟ ଦୁଇ ଘଣ୍ଟା ପରେ ପାଇଲଟ ୧୦ ରାଜାଜୀ ମାର୍ଗରେ ଥିବା ଖଡଗେଙ୍କ ବାସଭବନରେ ପହଞ୍ଚିଥିଲେ। ଏହି ବୈଠକରେ କଂଗ୍ରେସର ରାଜସ୍ଥାନ ପ୍ରଭାରୀ ସୁଖଜିନ୍ଦର ସିଂହ ରନ୍ଧାୱା ମଧ୍ୟ ଉପସ୍ଥିତ ଥିଲେ।
ବୈଠକ ପୂର୍ବରୁ ଗେହଲଟ କହିଥିଲେ ଯେ କଂଗ୍ରେସ ହାଇକମାଣ୍ଡ ଏବେ ବି ଏତେ ଶକ୍ତିଶାଳୀ ଅଛି ଯେ କୌଣସି ନେତା ନିଜ ପସନ୍ଦର ପଦ ପାଇବାକୁ ବ୍ଲାକମେଲ କରିପାରିବେ କିମ୍ବା ତାଙ୍କୁ ମନାଇବାକୁ ହାଇକମାଣ୍ଡକୁ ତାଙ୍କ ପସନ୍ଦର ପଦ ଦେବାକୁ ବାଧ୍ୟ ହେବ । ସଚିନ ପାଇଲଟଙ୍କୁ ମନାଇବା ପାଇଁ ହାଇକମାଣ୍ଡ ଏହି ପଦ ପାଇଁ ପ୍ରସ୍ତାବ ଦେଇଥିବା ଖବର ସମ୍ପର୍କରେ ପଚରାଯାଇଥିବା ଏକ ପ୍ରଶ୍ନର ଉତ୍ତରରେ ସେ ଏହି ଉତ୍ତର ଦେଇଥିଲେ ।