ମୋଦୀ ସରକାରଙ୍କ ଏହା ଏକ ଜୁମଲା ପ୍ୟାକେଜ୍ : କଂଗ୍ରେସର ସମାଲୋଚନା
ନୂଆଦିଲ୍ଲୀ : ଦେଶର ବିଭିନ୍ନ ବର୍ଗଙ୍କ ପାଇଁ କେନ୍ଦ୍ର ସରକାର ଘୋଷଣା କରିଥିବା ପ୍ୟାକେଜକୁ କଂଗ୍ରେସ ସମାଲୋଚନା କରିଛି । ଏହା ମୋଦୀ ସରକାରଙ୍କ ଏକ ଜୁମଲା (ଫମ୍ପା) ପ୍ୟାକେଜ ବୋଲି କହିଛି କଂଗ୍ରେସ ।
Sambad is now on WhatsApp
Join and get latest news updates delivered to you via WhatsApp
ବରିଷ୍ଠ କଂଗ୍ରେସ ନେତା ଆନନ୍ଦ ଶର୍ମା କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯେତେବେଳେ ଦେଶର ଡିଜିପିର ୧୦ ପ୍ରତିଶତ ପ୍ୟାକେଜ ଆକାରରେ ପ୍ରଦାନ ପାଇଁ ଘୋଷଣା କଲେ ସେତେବେଳେ ଲାଗୁଥିଲା ଯେ ଏହାକୁ ନେଇ ସିରିୟସ ଅଛନ୍ତି । ଏହି ପ୍ୟାକେଜର ପ୍ରବାସୀ ଶ୍ରମିକଙ୍କ ସ୍ୱାର୍ଥରକ୍ଷା ପାଇଁ କେତେକ ଭଲ ପଦକ୍ଷେପ ନିଆଯିବ ବୋଲି ଆଶା କରାଯାଉଥିଲା । କିନ୍ତୁ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଘୋଷଣା ନିରାଶ କରିଛି ।
ସେହିପରି କଂଗ୍ରେସର ମୁଖ୍ୟ ମୁଖପାତ୍ର ରଣଦୀପ ସୂର୍ଯେଓ୍ୱାଲା କହିଛନ୍ତି ଯେ ନିର୍ମଳାଙ୍କ ଘୋଷଣା ଏକ ଜୁମଲା ପ୍ୟାକେଜ ଛଡ଼ା ଆଉ କିଛି ନୁହେଁ ।
ଅନ୍ୟପକ୍ଷରେ କଂଗ୍ରେସ ନେତା ଅହମଦ ପଟେଲ କହିଛନ୍ତି ଯେ ଏହା ଅନେକ ମିଠା ମିଠା ଭାଷଣ ଥିବା ଏକ ଫମ୍ପା ପ୍ୟାକେଜ ।
କଂଗ୍ରେସ ନେତା ମନିଷ ତିଓ୍ୱାରୀ କହିଛନ୍ତି ଯେ ରାସ୍ତାରେ ଚାଲୁଥିବା ପ୍ରବାସୀ ଶ୍ରମିକ ଯେପରି ସୁରକ୍ଷିତ ଘରକୁ ଫେରିପାରିବେ ସେ ସଂପର୍କରେ ସରକାର କିଛି କହିନାହାନ୍ତି ।