ନୂଆଦିଲ୍ଲୀ : କିଏ ହେବ କଂଗ୍ରେସର ନୂଆ ସଭାପତି ? ଏହି ପ୍ରଶ୍ନ ଏବେ ସାରା ଦେଶର ରାଜନୈତିକ ବିଶ୍ଳେଷକଙ୍କୁ ଆନ୍ଦୋଳିତ କରିଚାଲିଛି । ବର୍ତ୍ତମାନର ସ୍ଥିତି ଅନୁସାରେ ସଭାପତି ପଦ ପାଇଁ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ ଓ ସାଂସଦ ଶଶୀ ଥରୁରଙ୍କ ମଧ୍ୟରେ ହୋଇପାରେ । ରାହୁଲ ଗାନ୍ଧି ଏ ପର୍ଯ୍ୟନ୍ତ ନିଜର ନିଷ୍ପତ୍ତି ଜଣାଇନଥିବାରୁ, ଏହି ଦୁହିଁଙ୍କ ମଧ୍ୟରେ ଲଢେଇ ହେବାର ସମ୍ଭାବନା ରହିଛି ।
Sambad is now on WhatsApp
Join and get latest news updates delivered to you via WhatsApp
ତେବେ କଂଗ୍ରେସ କର୍ମୀମାନଙ୍କର ଏକ ବଡ଼ ଭାଗ ତଥାପି ଚାହୁଁଛନ୍ତି ଯେ ରାହୁଲ ଗାନ୍ଧୀ ସେମାନଙ୍କୁ ନେତୃତ୍ୱ ଦିଅନ୍ତୁ ଏବଂ ଦଳର ଅନେକ ରାଜ୍ୟ ୟୁନିଟ୍ ଏ ନେଇ ସଂକଳ୍ପ ପାରିତ କରିଛନ୍ତି ।
ଦଳର ସୂତ୍ର ଅନୁଯାୟୀ ଅଶୋକ ଗେହଲୋଟଙ୍କ ପଛରେ ଗାନ୍ଧି ପରିବାରର ସମର୍ଥନ ରହିଛି । କଂଗ୍ରେସର ଏହି ଭେଟେରାନ ନେତା ଗାନ୍ଧି ପରିବାରର ଅତ୍ୟନ୍ତ ବିଶ୍ବସ୍ତ ଭାବେ ଜଣାଶୁଣା । ସେହିପରି ସଭାପତି ନିର୍ବାଚନ ଲଢିବାକୁ ଥରୁରଙ୍କୁ ସୋନିଆ ଅନୁମତି ଦେଇସାରିଛନ୍ତି ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଗେହଲୋଟ୍ ବୁଧବାର ଦିନ ଦଳର ମୁଖ୍ୟ ସୋନିଆ ଗାନ୍ଧୀଙ୍କୁ ଭେଟିବେ ଏବଂ ପରେ ଭାରତ ଯୋଡ ଯାତ୍ରା ପାଇଁ କୋଚିରେ ରାହୁଲ ଗାନ୍ଧୀଙ୍କ ସହ ଯୋଗଦେବେ । ରାଜସ୍ଥାନରେ ଗେହଲୋଟଙ୍କ ପ୍ରତିଦ୍ବନ୍ଦୀ ସଚିନ ପାଇଲଟ ଏବେ କୋଚିରେ ରାହୁଲଙ୍କ ସହ ଯୋଗ ଦେଇଛନ୍ତି ।
ଆସନ୍ତା ଅକ୍ଟୋବର ୧୭ରେ କଂଗ୍ରେସ ସଭାପତି ପଦ ପାଇଁ ଭୋଟ ଗ୍ରହଣ ହେବ । ଅକ୍ଟୋବର ୧୯ରେ ଭୋଟ ଗଣତି ହେବ।