ଲଖନଉ: ଉତ୍ତରପ୍ରଦେଶର ରାମପୁର ଲୋକସଭା ଉପନିର୍ବାଚନରେ ପ୍ରାର୍ଥୀ ଦେଇନାହାନ୍ତି ବହୁଜନ ସମାଜ ପାର୍ଟି ଓ କଂଗ୍ରେସ | ଆଉ ସେଥିପାଇଁ କଂଗ୍ରେସ ଏବଂ ବିଏସପି କର୍ମୀମାନେ ଜୁନ୍ ୨୩ରେ ରାମପୁର ଲୋକସଭା ଉପ-ନିର୍ବାଚନରେ ଭୋଟ୍ ସମୟରେ ନୋଟା ବଟନ୍ ଦବାଇବାକୁ ନିଷ୍ପତ୍ତି ନେଇଛନ୍ତି | କଂଗ୍ରେସ ଏବଂ ବିଏସପି ଉପ-ନିର୍ବାଚନରେ ପ୍ରାର୍ଥୀ ଦେଇନଥିବାବେଳେ କୌଣସି ପ୍ରାର୍ଥୀଙ୍କୁ ସମର୍ଥନ କରିବେ ନାହିଁ ବୋଲି ଘୋଷଣା କରିଛନ୍ତି । ଏଭଳି ପରିସ୍ଥିତିରେ ଦଳର କର୍ମୀ ଓ ନେତାମାନେ ଅନ୍ୟ ଦଳର ପ୍ରାର୍ଥୀଙ୍କୁ ଭୋଟ୍ ଦେବା ପରିବର୍ତ୍ତେ ନୋଟା ବ୍ୟବହାର କରିବାକୁ ନିଷ୍ପତ୍ତି ନେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନା ଥାଉ କି ଯେ ପୂର୍ବତନ ଏମଏଲସି ଘନଶ୍ୟାମ ସିଂ ଲୋଧି ରାମପୁର ଲୋକସଭା ଉପ-ନିର୍ବାଚନ ପାଇଁ ବିଜେପିର ପ୍ରାର୍ଥୀ ହୋଇଥିବାବେଳେ ଏସପି(ସମାଜବାଦୀ ପାର୍ଟି) ସଂଖ୍ୟାଲଘୁ ଆୟୋଗର ପୂର୍ବତନ ସଦସ୍ୟ ଅସୀମ ରାଜାଙ୍କୁ ଏସପି ପ୍ରାର୍ଥୀ କରିଛି | ଏମାନଙ୍କ ବ୍ୟତୀତ ଅନ୍ୟ ୭ ଜଣ ନିର୍ବାଚନ ମଇଦାନରେ ଅଛନ୍ତି। କଂଗ୍ରେସ ଜିଲ୍ଲା ସଭାପତି ଧର୍ମେନ୍ଦ୍ର ଦେବ ଗୁପ୍ତା କହିଛନ୍ତି ଯେ ଯଦି ଦଳ ଆଜିର ପରିସ୍ଥିତିରେ ପ୍ରାର୍ଥୀ କରିଥାନ୍ତେ, ତେବେ ନିର୍ବାଚନରେ ଏକ ତ୍ରିକୋଣୀୟ ପ୍ରତିଦ୍ବନ୍ଦିତା ନିଶ୍ଚିତ ଭାବେ ହୋଇଥାନ୍ତା |
ହାଇକମାଣ୍ଡଙ୍କ ନିଷ୍ପତ୍ତି ମୁତାବକ କଂଗ୍ରେସ କର୍ମୀମାନେ ନିର୍ବାଚନରେ ନୋଟା ବ୍ୟବହାର କରିବୁ | ସେହିପରି ବିଏସପି ଜିଲ୍ଲା ସଭାପତି ପ୍ରମୋଦ କୁମାର ସାଗର କହିଛନ୍ତି ଯେ ଲୋକସଭା ଉପ-ନିର୍ବାଚନରେ ବିଏସପିର ଭାଗ ନେବ ନାହିଁ | ସେଥିପାଇଁ ଆମେ ଅନ୍ୟ ଦଳର ପ୍ରାର୍ଥୀଙ୍କୁ ସମର୍ଥନ କରିବୁ ନାହିଁ। ବରଂ, ନିର୍ବାଚନରେ ସମସ୍ତେ ନୋଟା ବଟନ୍ ଦବାଇବେ |