ମହାରାଷ୍ଟ୍ରରେ ହେବାକୁ ଥିବା ପୌର ଓ ପଞ୍ଚାୟତ ନିର୍ବାଚନରେ କଂଗ୍ରେସ ଏକାକୀ ଲଢିବ
ନୂଆଦିଲ୍ଲୀ: କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ଭେଟିବା ପରେ ମହାରାଷ୍ଟ୍ର ପ୍ରଦେଶ କଂଗ୍ରେସ କମିଟିର ଅଧ୍ୟକ୍ଷ ନାନା ପାଟୋଲ ପ୍ରକାଶ କରିଛନ୍ତି ଯେ ମହାରାଷ୍ଟ୍ରରେ ହେବାକୁ ଥିବା ପୌର ଓ ପଞ୍ଚାୟତ ନିର୍ବାଚନରେ କଂଗ୍ରେସ ଏକାକୀ ଲଢିବ। ଦଳ ମହାବିକାଶ ଆଗାଡିର କୌଣସି ଦଳ ସହ ମେଣ୍ଟ କରିବ ନାହିଁ। ଏହାଦ୍ୱାରା ଉଦ୍ଧବ ଠାକରେଙ୍କ ନେତୃତ୍ୱାଧୀନ ସରକାରର ସ୍ଥିରତା ପ୍ରତି ବିପଦ ନାହିଁ।
Sambad is now on WhatsApp
Join and get latest news updates delivered to you via WhatsApp
ରାହୁଲ ଗାନ୍ଧୀଙ୍କ ବାସଭବନରେ ଅନୁଷ୍ଠିତ ବୈଠକରେ ଏଆଇସିସିର ଦାୟିତ୍ୱରେ ଥିବା ଏଚ୍.କେ ପାଟିଲ ଏବଂ ଦଳର ସାଧାରଣ ସମ୍ପାଦକ (ସଂଗଠନ) କେ.ସି ଭେନୁଗୋପାଲ ମଧ୍ୟ ଅଂଶଗ୍ରହଣ କରିଥିଲେ। ଏଥିରେ ନାନା ପାଟୋଲ୍ ମହାବିକାଶ ଆଗାଡିରେ କଂଗ୍ରେସକୁ ଗୁରୁତ୍ବ ଦିଆଯାଉନଥିବା ହେତୁ ସେ ଅସନ୍ତୋଷ ବ୍ୟକ୍ତ କରିଥିବା କୁହାଯାଉଛି। ଦଳକୁ ଶକ୍ତିଶାଳୀ କରିବା ଯୋଜନା ସମ୍ପର୍କରେ ବିସ୍ତୃତ ଆଲୋଚନା ହୋଇଥିବା ବି ଜଣାଯାଇଛି।
ଗଣମାଧ୍ୟମକୁ ସୂଚନା ଦେଇ ମହାରାଷ୍ଟ୍ର କଂଗ୍ରେସ ମୁଖ୍ୟ ନାନା ପାଟୋଲ ମନ୍ତବ୍ୟ ଦେଇ କହିଛନ୍ତି, “ମହାରାଷ୍ଟ୍ରର ଅନ୍ୟ ଦଳର ସ୍ଥିତିକୁ ଦେଖିଲେ କେବଳ କଂଗ୍ରେସ ପାଇଁ ଅନେକ ସ୍ଥାନ ଅଛି। ସେ ଆହୁରି ମଧ୍ୟ କହିଛନ୍ତି, “ବିଧାନସଭା ନିର୍ବାଚନକୁ ତିନି ବର୍ଷ ବାକି ଅଛି। କଂଗ୍ରେସ ନିଜେ ସ୍ଥାନୀୟ ନିର୍ବାଚନ ଲଢିବ।”
କଂଗ୍ରେସ ରାଜ୍ୟ ଶାଖାର ମୁଖ୍ୟ ଭାବେ ଦାୟିତ୍ୱ ଗ୍ରହଣ କରିବା ପରଠାରୁ ପାଟୋଲ ଗତ କିଛି ମାସ ମଧ୍ୟରେ ବାରମ୍ବାର କହିଥଲେ ଯେ ଆସନ୍ତା ବିଧାନସଭା ନିର୍ବାଚନରେ ତାଙ୍କ ଦଳ ଏକାକୀ ବହୁମତ ହାସଲ କରିବ। ଦଳର ରାଜ୍ୟରେ ବଢୁଥିବା ପ୍ରଭାବକୁ ନେଇ ଅନେକ ଲୋକ ଅସନ୍ତୋଷ ପ୍ରକାଶ କରି ସେ ଏହା ମଧ୍ୟ ଦାବି କରିଛନ୍ତି ଯେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଏବଂ ଉପମୁଖ୍ୟମନ୍ତ୍ରୀ ଅଜିତ ପାୱାର ତାଙ୍କ ପଦକ୍ଷେପ ଉପରେ ନଜର ରଖିଛନ୍ତି।