ନୂଆଦିଲ୍ଲୀ : ୧୯୮୪ ଶିଖ ବିରୋଧୀ ଦଙ୍ଗା ସଂପର୍କରେ ବରିଷ୍ଠ କଂଗ୍ରେସ ନେତା ସାମ ପିତ୍ରୋଡାଙ୍କ ବୟାନଠାରୁ ନିଜକୁ ଦୂରେଇ ରଖିଛି କଂଗ୍ରେସ। କଂଗ୍ରେସ ମୁଖପାତ୍ର ଅଭିଷେକ ମନୁ ସିଂଘଭୀ କହିଛନ୍ତି ଯେ ଏହା କଂଗ୍ରେସ ଦଳର ମତ ନୁହେଁ । କଂଗ୍ରେସ ସବୁବେଳେ କ୍ଷତିଗ୍ରସ୍ତ ଶିଖମାନଙ୍କ ଉନ୍ନତି ପାଇଁ କାମ କରିଆସିଛି । କୌଣସି ପ୍ରକାରର ହିଂସାକୁ ବରଦାସ୍ତ କରାଯିବ ନାହିଁ । ସେ ଆହୁରି ମଧ୍ୟ କହିଛନ୍ତି ଯେ ନେତାମାନେ ଭାବିଚିନ୍ତି ବୟାନ ଦେବା ଜରୁରୀ ।
Sambad is now on WhatsApp
Join and get latest news updates delivered to you via WhatsApp
ନିକଟରେ କଂଗ୍ରେସର ଦରିଆପାରି ମୁଖ୍ୟ ସାମ ପିତ୍ରୋଦା କହିଥିଲେ ଯେ “୧୯୮୪ରେ ଦଙ୍ଗା ହେଲା ହେଲା, ସେଇଠୁ କଣ ହେଲା” ? ସାମଙ୍କ ଏହି ବୟାନ ପରେ ଶିଖ ସମାଜରେ ପ୍ରବଳ ଅସନ୍ତୋଷ ଦେଖାଦେଇଛି । ଖୋଦ କଂଗ୍ରେସର ଜଣେ ବରିଷ୍ଠ ନେତା ତଥା ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ସାମଙ୍କ ବୟାନର ବିରୋଧ କରି କହିଛନ୍ତି ଯେ ଏହି ଶିଖ ବିରୋଧୀ ଗଣହତ୍ୟାରେ ସଂପୃକ୍ତ ଥିବା ଅତି କମରେ ୫ ଜଣ ଦିଲ୍ଲୀ କଂଗ୍ରେସ ନେତାଙ୍କୁ ସେ ଜାଣନ୍ତି । ବିଜେପି ମଧ୍ୟ ଏହି ବୟାନ ପାଇଁ ସୋନିଆ ଓ ରାହୁଲ ଗାନ୍ଧି କ୍ଷମା ମାଗନ୍ତୁ ବୋଲି ଦାବି କରୁଥିଲା ।
ତେବେ ବିବାଦ ଘନାଉଥିବା ଦେଖି ପିତ୍ରୋଡା ନିଜର ମନ୍ତବ୍ୟ ଲାଗି କ୍ଷମା ପ୍ରାର୍ଥନା କରିଛନ୍ତି।