ରାୟପୁର: କଂଗ୍ରେସ ପକ୍ଷରୁ ଛତିଶଗଡ଼ରେ ନିଜର ୨ ଜଣ ପୂର୍ବତନ ବିଧାୟକଙ୍କୁ ୬ ବର୍ଷ ପାଇଁ ଦଳରୁ ବହିଷ୍କାର କରିଛି। ସେମାନେ ହେଉଛନ୍ତି ପୂର୍ବତନ ବିଧାୟକ ବିନୟ ଜୟସ୍ୱାଲ ଓ ବୃହସ୍ପତ ସିଂ। ନିର୍ବାଚନରେ ପରାଜୟ ପରେ ଉଭୟ ନେତା ଦଳର ଶୀର୍ଷ ନେତୃତ୍ୱଙ୍କ ବିରୋଧରେ ଗମ୍ଭୀର ଅଭିଯୋଗ ଆଣିଥିଲେ। ପୂର୍ବତନ ବିଧାୟକଦ୍ବୟଙ୍କ ପକ୍ଷରୁ ଏପରି ବୟାନକୁ ନେଇ ଦଳ କାରଣ ଦର୍ଶାଅ ନୋଟିସ ନୋଟିସ୍ ଜାରି କରିଥିଲା।

Advertisment

ଛତିଶଗଡ଼ ବିଧାନସଭା ନିର୍ବାଚନରେ କଂଗ୍ରେସର ଶୋଚନୀୟ ପରାଜୟ ପରେ ଦଳୀୟ ନେତାମାନେ ପରାଜୟ ପାଇଁ ପରସ୍ପରକୁ ଦାୟୀ କରୁଥିଲେ। ଏହା ସହ ସେମାନେ ଦଳର ବରିଷ୍ଠ ନେତାମାନେ ନେତାଙ୍କ ଉପରେ ଅଭିଯୋଗ ଆଣିଥିଲେ। ଏହାକୁ ଦୃଷ୍ଟିରେ ରଖି ଦଳ ପୂର୍ବତନ ବିଧାୟକ ବୃହସ୍ପତି ସିଂହ ଓ ବିନୟ ଜୟସ୍ୱାଲଙ୍କୁ ୬ ବର୍ଷ ପାଇଁ ଦଳରୁ ବହିଷ୍କାର କରିଛି। ଅନ୍ୟପକ୍ଷରେ ଦଳ ବିରୋଧରେ ମନ୍ତବ୍ୟ ଦେଇଥିବା ପୂର୍ବତନ ମନ୍ତ୍ରୀ ଜୟ ସିଂହ ଅଗ୍ରୱାଲଙ୍କୁ କାରଣ ଦର୍ଶାଅ ନୋଟିସ୍ ଜାରି କରାଯାଇଛି। ଏଥିସହିତ ତାଙ୍କୁ ୩ ଦିନ ମଧ୍ୟରେ ଜବାବ ଦେବାକୁ କୁହାଯାଇଛି।

ନିକଟରେ କଂଗ୍ରେସର ପୂର୍ବତନ ବିଧାୟକ ବୃହସ୍ପତ ସିଂହ ରାଜ୍ୟ ପ୍ରଭାରୀ କୁମାରୀ ଶୈଲଜା ଏବଂ ପୂର୍ବତନ ଉପମୁଖ୍ୟମନ୍ତ୍ରୀ ଟିଏସ୍ ସିଂହଦେଓଙ୍କ ଉପରେ ଗମ୍ଭୀର ଅଭିଯୋଗ ଆଣିଥିଲେ। ଏହାପରେ ବିନୟ ଜୟସ୍ୱାଲ ଛତିଶଗଡ଼ ପ୍ରଭାରିଙ୍କ ବିରୋଧରେ ଗୁରୁତର ଅଭିଯୋଗ ଆଣିଥିଲେ।