ଚନ୍ଦ୍ରଯାନ-୨ର ଶ୍ରେୟ ପଣ୍ଡିତ ନେହେରୁଙ୍କୁ ଦେଲା କଂଗ୍ରେସ, ସୋସିଆଲ ମିଡିଆରେ ଲୋକେ କଲେ ସମାଲୋଚନା

ନୂଆଦିଲ୍ଲୀ : ଭାରତର ୨ୟ ଚନ୍ଦ୍ର ଅଭିଯାନ ଚନ୍ଦ୍ରଯାନ-୨ ଆଜି ଆନ୍ଧ୍ରପ୍ରଦେଶର ସତୀଶ ଧଓ୍ଵନ ମହାକାଶ କେନ୍ଦ୍ରରୁ ସଫଳତାର ସହ ପ୍ରକ୍ଷେପିତ ହୋଇଛି । ଜିଏସଏଲଭି ମାକ-୩ ମହାକାଶ ଯାନ ମାଧ୍ୟମରେ ଚନ୍ଦ୍ରଯାନ-୨ ମହାକାଶକୁ ଯାତ୍ରା କରିଛି । ଭାରତର ଏହି ସଫଳାକୁ ସାରା ବିଶ୍ୱରେ ପ୍ରସଂଶା କରାଯାଉଛି । ତେବେ କଂଗ୍ରେସ ଏହି ସଫଳତାର କ୍ରେଡିଟ ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁଙ୍କୁ ଦେଇଛି । ଏ ନେଇ କଂଗ୍ରେସ ପକ୍ଷରୁ ଏକ ଟ୍ଵିଟ କରାଯାଇଛି । ତେବେ ଏହି ଟ୍ଵିଟକୁ ନେଇ ଟ୍ଵିଟରରେ କଂଗ୍ରେସକୁ ବ୍ୟାପକ ସମାଲୋଚନା କରାଯାଇଛି ।

This is a good time to remember the visionary move of India's first PM Pandit Jawaharlal Nehru to fund space research through INCOSPAR in1962 which later became ISRO. And also Dr. Manmohan Singh for sanctioning the #Chandrayan2 project in 2008. pic.twitter.com/2Tje349pa0

— Congress (@INCIndia) July 22, 2019

ଚନ୍ଦ୍ରଯାନ ଉତକ୍ଷେପଣର ମାତ୍ର କିଛି ମିନିଟ ମଧ୍ୟରେ କଂଗ୍ରେସ ପକ୍ଷରୁ ଏକ ଟ୍ଵିଟ କରି କୁହାଯାଇଥିଲା ଯେ ଭାରତର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କୁ ମନେପକାଇବା ଲାଗି ଏହା ଏକ ପ୍ରକୃଷ୍ଟ ସମୟ । କାରଣ ସେ ୧୯୬୨ ମସିହାରେ ଆନକସପାର (INCOSPAR) ଗଠନ ପାଇଁ ଅର୍ଥ ମଂଜୁର କରିଥିଲେ । ଏହା ପରେ ଇସ୍ରୋ ନାମରେ ନାମିତ ହେଲା । ଡଃ ମନମୋହନ ସିଂ ମଧ୍ୟ ୨୦୦୮ରେ ଚନ୍ଦ୍ରଯାନ-୨ ପ୍ରକଳ୍ପକୁ ମଂଜୁର କରିଥିଲେ । କଂଗ୍ରେସର ଏହି ଟ୍ଵିଟକୁ ନେଇ ସେସିଆଲ ମିଡିଆ ବିଶେଷକରି ଟ୍ଵିଟରରେ ପ୍ରବଳ ସମାଲୋଚନା ଓ ପରିହାସ କରାଯାଇଛି । ତେବେ କଂଗ୍ରେସ ଆଉ ଏକ ଟ୍ଵିଟ କରି ଇସ୍ରୋକୁ ଅଭିନନ୍ଦନ ଜଣାଇଛି ।