ଜୁନ ୧୦ପରେ କଂଗ୍ରେସ-ଜେଡିଏସ ମେଣ୍ଟ ସରକାର ରହିବ ନାହିଁ ବୋଲି କହିଲେ କଂଗ୍ରେସ ନେତା
ବେଙ୍ଗଲୁରୁ: କର୍ଣ୍ଣାଟକରେ ଚାଲିଛି କଂଗ୍ରେସ-ଜେଡିଏସ ମେଣ୍ଟ ସରକାର । କିନ୍ତୁ ଏହି ସରକାର ଗଠିତ ହେବାଦିନଠାରୁ ଉଭୟ ଦଳର ନେତାମାନେ ବିଭିନ୍ନ ବିବାଦୀୟ ମନ୍ତବ୍ୟ ଦେଇ ମେଣ୍ଟକୁ ଅଡ଼ୁଆରେ ପକାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ପୁଣି ଜଣେ କଂଗ୍ରେସ ନେତା ଏନ ରଜନ୍ନା ଏଭଳି ବୟାନ୍ ଦେଇ ଛନ୍ତି। ସେ ଉପ-ମୁଖ୍ୟମନ୍ତ୍ରୀ ଜି ପରମେଶ୍ୱରଙ୍କୁ ଟାର୍ଗେଟ କରି କହିଛନ୍ତି, ରାଜ୍ୟର ବର୍ତ୍ତମାନ ମେଣ୍ଟ ସରକାର ଜୁନ ୧୦ ପରେ ରହିବ ନାହିଁ । ପରମେଶ୍ୱରଙ୍କୁ ଟାର୍ଗେଟ କରି ସେ କଂଗ୍ରେସ ନେତା କହିଛନ୍ତି ସୂଚନା ଅନୁସାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଗାମୀ ୩୦ ତାରିଖରେ ଦ୍ୱିତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିବେ । ଏହାପରେ ଦଳର ଅବସ୍ଥା ଖରାପ ହେବ। ଏହି ସରକାର ଅତି ବେଶୀରେ ଜୁନ ୧୦ ଯାଏଁ ତିଷ୍ଠି ରହିବ ବୋଲି ସେ କହିଛନ୍ତି।
ଏଣେ କର୍ଣ୍ଣାଟକରେ କ୍ଷମତାସୀନ କଂଗ୍ରେସ-ଜେଡିଏସ ମେଣ୍ଟ ସରକାରକୁ ବଂଚାଇବା ପାଇଁ କ୍ୟାବିନେଟରେ ପରିବର୍ତ୍ତନ ଲାଗି ଯୋଜନା କରୁଛନ୍ତି ମୁଖ୍ୟମନ୍ତ୍ରୀ ଏଚଡି କୁମାରସ୍ୱାମୀ।