ଭୂମିରେ ମୁଣ୍ଡ ଲଗାଇ ପ୍ରଣାମ କରି ବାଜପେୟୀଙ୍କୁ ଶେଷ ଶ୍ରଦ୍ଧାଞ୍ଜଳି ଜଣାଇଲେ କଂଗ୍ରେସ ନେତା ଜ୍ୟୋର୍ତିଆଦିତ୍ୟ ସିନ୍ଧିଆ
ନୂଆଦିଲ୍ଲୀ : ଅନ୍ତିମ ଯାତ୍ରାରେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ । ଗତକାଲି ଶ୍ରୀ ବାଜପେୟୀଙ୍କ ପରଲୋକ ହେବାର ଖବର ପ୍ରଚାର ହେବା ପରେ ସାରା ଦେଶରେ ଶୋକର ଛାୟା ଖେଳିଯିବା ସହ ତାଙ୍କର ଅନ୍ତମ ଦର୍ଶନ କରିବା ପାଇଁ ପହଞ୍ଚିଥିଲେ ସବୁ ପ୍ରମୁଖ ରାଜନୈତିକ ଦଳର ନେତା । ଶୁକ୍ରବାର କଂଗ୍ରେସ ନେତା ଜ୍ୟୋତିରାଦିତ୍ୟ ସିନ୍ଧିଆ ବିଜେପି ମୁଖ୍ୟାଳୟରେ ଅଟଲଜୀଙ୍କୁ ଶେଷ ଦର୍ଶନ କରିଥିଲୋ । ସେ ଅଟଳଜୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ ପରେ ଭୂମିରେ ମୁଣ୍ଡ ଲଗାଇ ପ୍ରଣାମ କରିଥିଲେ। ଏହାପରେଜ୍ୟୋର୍ତିଆଦିତ୍ୟ ଛଳ ଛଳ ଆଖିରେ ସେ ମୁଣ୍ଡ ନୁଆଁଇ କୋହଭରା ବିଦାୟ ଦେଇଥିବାର ଦେଖିବାକୁ ମିଳିଥିଲା । ସେ ସମୟରେ କିଛି ଫଟୋ ନିଜେ ଜ୍ୟୋର୍ତିଆଦିତ୍ୟ ସିନ୍ଧିଆ ଟ୍ଵିଟରରେ ପୋଷ୍ଟ କରିଥିବା ବେଳେ ଏବେ ତାହା ଭାଇରାଲ ହୋଇଛି। ପୋଷ୍ଟ କରାଯାଇଥିବା ଫାଟୋରେ ସେ ଆଣ୍ଠୁମାଡ଼ି ତଳେ ବସିବା ସହ ତଳକୁ ମୁଣ୍ଡ ନୂଆଁଇ ପ୍ରଣାମ କରୁଥିବା ଦେଖା ଯାଇଛି । ଉଲ୍ଳେଖଯୋଗ୍ୟ କି ଜ୍ୟୋର୍ତିଆଦିତ୍ୟଙ୍କ ପରିବାର ସହ ସ୍ୱର୍ଗତଃ ବାଜପାୟୀଙ୍କର ଥିଲା ଘନିଷ୍ଠ ସଂପର୍କ।
Sambad is now on WhatsApp
Join and get latest news updates delivered to you via WhatsApp
पूर्व प्रधानमंत्री श्री अटलबिहारी वाजपेयी जी के अंतिम दर्शन कर श्रद्धांजलि अर्पित की। pic.twitter.com/zdBj9evMFW
— Jyotiraditya Scindia (@JM_Scindia) August 17, 2018
ସୂଚନା ମୁତାବକ, ଅଟଲଜୀଙ୍କ ସ୍ୱାସ୍ଥ୍ୟବସ୍ଥା ସଂଙ୍କଟାପନ୍ନ ହେବାରୁ ତାଙ୍କୁ ମଙ୍ଗଳବାର ଦିଲ୍ଲୀସ୍ଥିତ ଅଖିଳ ଭାରତୀୟ ଆର୍ୟୁ ବିଜ୍ଞାନ ସଂସ୍ଥାନରେ ଭର୍ତ୍ତି କରାଯାଇଥିଲା । ପରେ ତାଙ୍କ ସ୍ୱାସ୍ଥ୍ୟବସ୍ଥା ଅଧିକ ବିଗିଡ଼ିବାରୁ ଲାଇଫ୍ ସର୍ପୋଟ ସିଷ୍ଟମରେ ତାଙ୍କୁ ରଖା ଯାଇଥିଲା। ଗୁରୁବାର ସଂନ୍ଧ୍ୟା ୦୫.୦୫ଟା ସମୟରେ ସେ ନିଜର ଶେଷ ନିଶ୍ୱାସ ତ୍ୟାଗ କରିଥିଲେ ।