ଶେଷରେ ବାୟୁସେନା ମୁଖ୍ୟଙ୍କୁ ବି ଛାଡିଲାନି କଂଗ୍ରେସ, ରାଫେଲ ପ୍ରସଙ୍ଗରେ ବାୟୁସେନା ମୁଖ୍ୟ ମିଛ କହୁଛନ୍ତି ବୋଲି କହିଲେ କଂଗ୍ରେସ ନେତା
ନୂଆଦିଲ୍ଲୀ : ରାଫେଲ ପ୍ରସଙ୍ଗରେ ସାରା ଦୂନିଆକୁ ମିଛୁଆ କହିବାରେ ଲାଗିଛି କଂଗ୍ରେସ । ପ୍ରଥମେ ଭାରତ ସରକାର, ତାପରେ ଫ୍ରାନ୍ସ ସରକାର, ଫ୍ରାନ୍ସ ରାଷ୍ଟ୍ରପତି, ରାଫେଲ ବିମାନ ନିର୍ମାଣ କରୁଥିବା କମ୍ପାନି ଦାସୋ ଆଭିଏସନ ଇତ୍ୟାଦି ସମସ୍ତେ ମିଛ କହୁଛନ୍ତି ବୋଲି କଂଗ୍ରେସ କହୁଛି । ଏପରିକି ସୁପ୍ରିମକୋର୍ଟ ରାୟକୁ ମଧ୍ୟ ମାନିବାକୁ ସେମାନେ ପ୍ରସ୍ତୁତ ନୁହଁନ୍ତି । ସର୍ବୋଚ୍ଚ ନ୍ୟାୟାଳୟଙ୍କ ରାୟ ତ୍ରୁଟିଯୁକ୍ତ ବୋଲି କଂଗ୍ରେସ ନେତାମାନେ କହୁଛନ୍ତି । ଏବେ ଆହୁରି ତଳକୁ ଖସିଯାଇଛନ୍ତି କଂଗ୍ରେସ ନେତାମାନେ ।
Sambad is now on WhatsApp
Join and get latest news updates delivered to you via WhatsApp
ଆଜି ବରିଷ୍ଠ କଂଗ୍ରେସ ନେତା ବିରାପ୍ପା ମୋଇଲି ଭାରତୀୟ ବାୟୁସେନା ମୁଖ୍ୟ ଏୟାର ଚିଫ ମାର୍ସାଲ ବିଏସ ଧାନୋଆଙ୍କୁ ମିଛୁଆ କହିବାକୁ ପଛେଇ ନାହାନ୍ତି । ବାୟୁସେନା ମୁଖ୍ୟ ସତ୍ୟକୁ ଲୁଚାଉଛନ୍ତି ବୋଲି ସେ କହିଛନ୍ତି । କିଛିଦିନ ତଳେ ବାୟୁସେନା ମୁଖ୍ୟ ଜୟପୁରସ୍ଥିତ ବାୟୁସେନା ଘାଟି ପରିଦର୍ଶନ କରିବା ଅବସରରେ କହିଥିଲେ ଯେ ରାଫେଲ ଭାରତୀୟ ବାୟୁସେନା ପାଇଁ ବେଶ ଜରୁରୀ । ପ୍ରତିରକ୍ଷା କିଣାବିକାରେ ରାଜନୀତି ପୁରାଇବା ଉଚିତ ନୁହେଁ ବୋଲି ସେ କହିଥିଲେ । ମୋଦି ସରକାର ୨୦୧୬ରେ ୩୬ଟି ରାଫେଲ ବିମାନ ଯୋଗାଇବା ପାଇଁ ୫୯ ହଜାର କୋଟି ଟଙ୍କାର ଏକ ଚୁକ୍ତି କରିଥିଲେ । ଏହି ଚୁକ୍ତି ଫ୍ରାନ୍ସ ସରକାରଙ୍କ ସହ ହୋଇଥିଲା ।