ସୁପ୍ରିମକୋର୍ଟଙ୍କ ରାୟକୁ କଂଗ୍ରେସର ସ୍ୱାଗତ: ବିଜେପିର ମନ୍ଦିର ରାଜନୀତି ପାଇଁ ବନ୍ଦ ହୋଇଯିବ ବାଟ
ନୂଆଦିଲ୍ଲୀ: ଅଯୋଧ୍ୟାରେ ରାମ ମନ୍ଦିର ନିର୍ମାଣକୁ ନେଇ ସୁପ୍ରିମକୋର୍ଟଙ୍କ ରାୟ ପ୍ରକାଶ ପରେ ଏହାକୁ ନେଇ ରାଜନୈତିକ ଦଳମାନେ ନିଜ ନିଜର ବୟାନ ରଖିଛନ୍ତି | କଂଗ୍ରେସ ପକ୍ଷରୁ କୁହାଯାଇଛି ଯେ ମନ୍ଦିର ନିର୍ମାଣକୁ ନେଇ ସୁପ୍ରିମକୋର୍ଟଙ୍କ ରାୟକୁ କଂଗ୍ରେସ ସମର୍ଥନ କରୁଛି | ଭଗବାନ ରାମଙ୍କ ମନ୍ଦିର ନିର୍ମାଣ ସପକ୍ଷରେ କଂଗ୍ରେସ ରହିଛି |
Sambad is now on WhatsApp
Join and get latest news updates delivered to you via WhatsApp
#WATCH Randeep Surjewala,Congress on being asked by media if Temple should be constructed on Ayodhya site: Supreme Court ka nirnay aa chuka hai, svabhavik taur pe aapke sawal ka jawab haan mein hai, Bhartiye Rashtriye Congress Bhagwan Shri Ram ke Mandir ke nirman ki pakshdhar hai pic.twitter.com/vkg3Z1xGlA
— ANI (@ANI) November 9, 2019
ଏହି ରାୟ କେବଳ ମନ୍ଦିର ନିର୍ମାଣ ପାଇଁ ଦ୍ୱାରା ଖୋଲିନାହିଁ ବରଂ ଯେଉଁ ରାଜନୈତିକ ଦଳମାନେ ଏହାକୁ ନେଇ ରାଜନୀତି କରୁଥିଲେ ସେମାନଙ୍କ ପାଇଁ ଦ୍ୱାର ବନ୍ଦ କରିଦେଇଛି | କଂଗ୍ରେସର ମୁଖପାତ୍ର ରଣଦୀପ ସୁରଜୱାଲା କହିଛନ୍ତି ଯେ ବିଜେପି ସହ ଅନ୍ୟ କିଛି ରାଜନୈତିକ ଦଳ ଯେଉଁମାନେ ମନ୍ଦିର ନିର୍ମାଣକୁ ନେଇ ରାଜନୀତି କରୁଥିଲେ ସେମାନଙ୍କ ପାଇଁ ବାଟ ବନ୍ଦ ହୋଇଯାଇଛି |
ସେହିପରି ବିହାର ମୁଖ୍ୟମନ୍ତ୍ରୀ ନୀତିଶ କୁମାର କହିଛନ୍ତି ଯେ ସୁପ୍ରିମକୋର୍ଟଙ୍କ ରାୟକୁ ସ୍ୱାଗତ କରୁଛି | ସାମାଜିକ ସୌହାର୍ଦ୍ଦ୍ୟ ରଖିବାରେ ଏହି ରାୟ ସହାୟକ ହେବ | ଏହି ଘଟଣାକୁ ନେଇ ଯେଭଳି କୌଣସି ବିବାଦ ନ ହେଉ ସେଥିପାଇଁ ସେ ଅପିଲ କରୁଛନ୍ତି |