ଟିଭି ଚ୍ୟାନେଲରେ ଦେଖାଯିବେନି କଂଗ୍ରେସ ମୁଖପାତ୍ର
ନୂଆଦିଲ୍ଲୀ: ଲୋକସଭା ନିର୍ବାଚନରେ କଂଗ୍ରେସର ପରାଜୟ ପରେ କଂଗ୍ରେସର ବରିଷ୍ଠ ନେତାଙ୍କ ସହ ରାହୁଲ ଆଲୋଚନା କରିଛନ୍ତି | ଏବେ ଆପଣଙ୍କୁ ଟିଭି ପରଦାରେ କଂଗ୍ରେସ ମୁଖପାତ୍ରଙ୍କୁ ଦେଖିବାକୁ ପାଇବେ ନାହିଁ | କାରଣ କଂଗ୍ରେସ ପକ୍ଷରୁ ନିଷ୍ପତି ନିଆଯାଇଛି ଯେ ନ୍ୟୁଜ ଚ୍ୟାନେଲର ଡିବେଟକୁ କୌଣସି କଂଗ୍ରେସ ମୁଖପାତ୍ର ଯିବେ ନାହିଁ | ଏହି ସୂଚନା ଦେଇଛନ୍ତି କଂଗ୍ରେସ ନେତା ତଥା ରାଷ୍ଟ୍ରୀୟ ମୁଖପାତ୍ର ରଣଦୀପ ସୁରଜୱାଲା |
Sambad is now on WhatsApp
Join and get latest news updates delivered to you via WhatsApp
ସୁରଜୱାଲା ଟ୍ୱିଟ କରିଛନ୍ତି ଯେ ଭାରତୀୟ ରାଷ୍ଟ୍ରୀୟ କଂଗ୍ରେସ ପକ୍ଷରୁ ନିଷ୍ପତି ନିଆଯାଇଛି ଯେ ଏକ ମାସ ଯାଏଁ ଟିଭି ଡିବେଟରେ କଂଗ୍ରେସର କୌଣସି ପ୍ରବକ୍ତା ଯିବେ ନାହିଁ | ତେଣୁ ସମସ୍ତ ନ୍ୟୁଜ ଚ୍ୟାନେଲ ସମ୍ପାଦକଙ୍କୁ ଅନୁରୋଧ କରାଯାଉଛି କୌଣସି କାର୍ଯ୍ୟକ୍ରମ ପାଇଁ କଂଗ୍ରେସ ମୁଖପାତ୍ରଙ୍କ ନାମ ସ୍ଥିର ନ କରାଯାଉ | ଶନିବାର ଦିନ ହୋଇଥିବା ବୈଠକରେ ଏହି ପ୍ରସଙ୍ଗ ଉଠାଯାଇଥିଲା ଯେ କୌଣସି ମୁଖପାତ୍ରଙ୍କୁ ନ୍ୟୁଜ ବିତର୍କ କାର୍ଯ୍ୟକ୍ରମକୁ ଯିବା ପାଇଁ ବାରଣ କରାଯାଉ |
ଏହାକୁ ନଜରରେ ରଖି କଂଗ୍ରେସ ଏହି ଦାବିକୁ ଅନୁମତି ଦେଇଛି | ଏହା ପୂର୍ବରୁ ସମାଜବାଦୀ ପାର୍ଟି ଏହାର ସମସ୍ତ ମୁଖପାତ୍ରଙ୍କୁ ହଟାଇ ଦେଇଥିଲା | ଟିଭି ଚ୍ୟାନେଲରେ ପକ୍ଷ ରଖୁଥିବା ସମସ୍ତ ମୁଖପାତ୍ରଙ୍କୁ ବାରଣ କରାଯାଇଥିଲା| ସମାଜବାଦୀ ପାର୍ଟି ପକ୍ଷରୁ ମଧ୍ୟ ସମସ୍ତ ସମ୍ପାଦକଙ୍କୁ କୁହାଯାଇଥିଲା ଯେ କୌଣସି ପ୍ରସଙ୍ଗ ବାବଦରେ ଆଲୋଚନା କରିବାକୁ ସପା ର କୌଣସି ନେତାଙ୍କୁ ସାମିଲ ନ କରାଯାଉ |