ଦଳ ବିରୋଧୀ କାର୍ଯ୍ୟ ପାଇଁ ଅମରିନ୍ଦର ସିଂଙ୍କ ପତ୍ନୀ ତଥା ପଟିଆଲା ସାଂସଦ ପ୍ରୀନିତ କୌରଙ୍କୁ ଦଳରୁ ନିଲମ୍ବନ କଲା କଂଗ୍ରେସ

ନୂଆଦିଲ୍ଲୀ: ବିଜେପି ସପକ୍ଷରେ ଦଳ ବିରୋଧୀ କାର୍ଯ୍ୟକଳାପରେ ଲିପ୍ତ ଥିବା ଅଭିଯୋଗରେ କଂଗ୍ରେସ ପାର୍ଟି ଶୁକ୍ରବାର ଦିନ ଏହାର ଲୋକସଭା ସାଂସଦ ପ୍ରୀନିତ କୌରଙ୍କୁ ଦଳରୁ ବହିଷ୍କାର କରିଛି। ପ୍ରସଙ୍ଗକ୍ରମେ ଉଲ୍ଲେଖଯୋଗ୍ୟ ଦଳରୁ ବହିଷ୍କୃତ ହୋଇଥିବା ପ୍ରୀନିତ କୌର ହେଉଛନ୍ତି ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂଙ୍କ ପତ୍ନୀ।

କଂଗ୍ରେସ ମୁଖ୍ୟ ରାଜ୍ୟର କଂଗ୍ରେସ ମୁଖ୍ୟ ଅମରିନ୍ଦର ସିଂ ରାଜା ୱାରିଂଙ୍କ ଠାରୁ ପ୍ରୀନିତ କୌରଙ୍କ ବିରୋଧରେ ଅଭିଯୋଗ ପାଇବା ପରେ ତାଙ୍କୁ ଶୃଙ୍ଖଳା ଗତ କାର୍ଯ୍ୟାନୁଷ୍ଠାନ କମିଟି (ଡିଏସି) ବହିଷ୍କାର କରିଥିବା ଦଳ କହିଛି।
କଂଗ୍ରେସ ସଭାପତି ପଞ୍ଜାବର ପିସିସି ସଭାପତି ଅମରିନ୍ଦର ସିଂ ରାଜା ୱାରିଂଙ୍କ ଠାରୁ ପଟିଆଲାର ଲୋକସଭା ସାଂସଦ ପ୍ରୀନିତ କୌର ବିଜେପିକୁ ସାହାଯ୍ୟ କରିବା ପାଇଁ ଦଳ ବିରୋଧୀ କାର୍ଯ୍ୟକଳାପରେ ଲିପ୍ତ ଅଛନ୍ତି ବୋଲି ଅଭିଯୋଗ ପାଇବା ପରେ ତାଙ୍କ ବିରୋଧରେ ଏହି କାର୍ଯ୍ୟାନୁଷ୍ଠାନ ହୋଇଥିବା ଦଳ ପକ୍ଷରୁ ଏକ ପ୍ରେସ୍‌ ବିଜ୍ଞପ୍ତିରେ କୁହାଯାଇଛି।

ପଞ୍ଜାବର ଅନ୍ୟ କିଛି ବରିଷ୍ଠ କଂଗ୍ରେସ ନେତା ମଧ୍ୟ କହିଛନ୍ତି ଯେ ତାଙ୍କ ବିରୋଧରେ ଆବଶ୍ୟକ କାର୍ଯ୍ୟାନୁଷ୍ଠାନ ପାଇଁ ଅଭିଯୋଗକୁ ଏଆଇସିସିର ଶୃଙ୍ଖଳା ଗତ କାର୍ଯ୍ୟାନୁଷ୍ଠାନ କମିଟିକୁ ପଠା ଯାଇଥିଲା। ଡିଏସି ଅଭିଯୋଗର ବିଚାର କରି ନିଷ୍ପତ୍ତି ନେଇଛି ଯେ ପଟିଆଲାର ସାଂସଦ (ଲୋକସଭା) ପ୍ରୀନିତ କୌରଙ୍କୁ ତୁରନ୍ତ ପ୍ରଭାବରେ ଦଳରୁ ନିଲମ୍ବିତ କରାଯିବା ଉଚିତ୍‌।

ପ୍ରୀନିତ କୌର ଦଳ ବିରୋଧୀ କାର୍ଯ୍ୟକଳାପରେ ଲିପ୍ତ ଥିବା ନେଇ ଦଳ ନିୟମିତ ଅଭିଯୋଗ ପାଉଥିଲା ଏବଂ ଦଳର ରାଜ୍ୟ ୟୁନିଟ୍‌ ତାଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଦାବି କରୁଥିଲା। ଦଳର ଶୃଙ୍ଖଳା କମିଟି ତାଙ୍କୁ ନିଲମ୍ବିତ କରିବାକୁ ନିଷ୍ପତ୍ତି ନେଇଛ ବୋଲି କଂଗ୍ରେସ ନେତା ତାରିକ୍‌ ଅନୱାର ଗଣମାଧ୍ୟମକୁ କହିଛନ୍ତି।

ଉଲ୍ଲେଖଯୋଗ୍ୟ, ବର୍ତ୍ତମାନ ବିଜେପିରେ ଥିବା ପଞ୍ଜାବର କଂଗ୍ରେସ ମୁଖ୍ୟମନ୍ତ୍ରୀ କ୍ୟାପ୍‌ଟେନ୍‌ ଅମରିନ୍ଦର ସିଂ ନଭେମ୍ବର ୨୦୨୧ରେ କଂଗ୍ରେସ ଦଳରୁ ଆନୁଷ୍ଠାନିକ ଭାବେ ଇସ୍ତଫା ଦେଇଥିଲେ।