ଧୁପକାଠି ଜାଳିଲେ, ଗ୍ୟାସ ସିଲିଣ୍ଡରରେ ଫୁଲମାଳ ପିନ୍ଧାଇ ବିଜେପି ଉପରେ ବର୍ଷିଲେ
ନୂଆଦିଲ୍ଲୀ: ଆଜିଠାରୁ ଘରୋଇ ଏଲପିଜି ସିଲିଣ୍ଡରର ମୂଲ୍ୟ ୫୦ ଟଙ୍କା ବୃଦ୍ଧି ପାଇଛି। ଆଜିଠାରୁ ୧୪.୨ କିଲୋଗ୍ରାମ ଘରୋଇ ଏଲପିଜି ସିଲିଣ୍ଡରର ମୂଲ୍ୟ ୫୦ ଟଙ୍କା ବୃଦ୍ଧି କରାଯାଇଛି | ମୂଲ୍ୟ ବୃଦ୍ଧି ପରେ ସିଲିଣ୍ଡରର ନୂତନ ମୂଲ୍ୟ ୯୯୯ ଟଙ୍କାରେ ପହଞ୍ଚିଛି | ଆଉ ଏହାକୁ ନେଇ କେନ୍ଦ୍ର ସରକାରଙ୍କୁ ଘେରିଛି କଂଗ୍ରେସ | ଆଜି କଂଗ୍ରେସ ମୁଖପାତ୍ର ପୱନ ଖେରା ସାମ୍ବାଦିକ ସମ୍ମିଳନୀରେ ସିଲିଣ୍ଡର ମୂଲ୍ୟ ବୃଦ୍ଧି ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ କେନ୍ଦ୍ର ଉପରେ ଆକ୍ରମଣ କରିଛନ୍ତି। ସାମ୍ବାଦିକ ସମ୍ମିଳନୀ ଆରମ୍ଭ କରିବା ପୂର୍ବରୁ ପୱନ ଖେରା ଗ୍ୟାସ ସିଲିଣ୍ଡରକୁ ଫୁଲମାଳ ପିନ୍ଧାଇ ଧୂପକାଠି ଜାଳିଥିଲେ |
Sambad is now on WhatsApp
Join and get latest news updates delivered to you via WhatsApp
ଏହା ପରେ ସେ କହିଥିଲେ ଯେ ତିନିଟି ଦେଶ ବୁଲି ୨୦ଟି ଡ୍ରେସ ପିନ୍ଧି ଓ ୬୦ଟି ଫଟୋ ସୁଟ୍ ପରେ ୬୫ ଘଣ୍ଟା ପରେ ଦେଶକୁ ଫେରି ପ୍ରଧାନମନ୍ତ୍ରୀ ଘରୋଇ ସିଲିଣ୍ଡରର ମୂଲ୍ୟ ବୃଦ୍ଧି କରିଛନ୍ତି। ସେ କହିଛନ୍ତି ଯେ ସାମ୍ବାଦିକ ସମ୍ମିଳନୀ ପାଇଁ ଧୂପକାଠି ଏବଂ ଲେମ୍ବୁ ଆବଶ୍ୟକ ଥିଲା । କିନ୍ତୁ ଲେମ୍ବୁର ମୂଲ୍ୟ ଏତେ ବୃଦ୍ଧି ପାଇଛି ଯେ ମୁଁ ଆଳୁ ଏବଂ ଲାଉ ଉପରେ ଧୂପକାଠି ଲଗାଇଥିଲି | ପୱନ ଆହୁରି ମଧ୍ୟ କହିଛନ୍ତି ଯେ ପେଟ୍ରୋଲ ପମ୍ପରେ ବଡ ହୋର୍ଡିଂ ଲଗାଇ ସବସିଡି ସମର୍ପଣ କରିବାକୁ ମୋଦୀ ସାହେବ ଜନସାଧାରଣଙ୍କୁ କହିଛନ୍ତି, କିନ୍ତୁ ବର୍ତ୍ତମାନ ପରିସ୍ଥିତି ଏଭଳି ଉପୁଜିଛି ଯେ ଲୋକମାନେ ସିଲିଣ୍ଡର ସରେଣ୍ଡର କରିବାକୁ ଭାବୁଛନ୍ତି |
କଂଗ୍ରେସ ସରକାରଙ୍କ ସମୟରେ ମୂଲ୍ୟ ସମ୍ପର୍କରେ ପୱନ ଖେରା କହିଛନ୍ତି ଯେ ଗରିବ, ମଧ୍ୟବିତ୍ତଙ୍କୁ ଦୃଷ୍ଟିରେ ରଖି କଂଗ୍ରେସ ସରକାର ସବସିଡି ଦେଇଥିଲେ । ୨୦୧୨-୧୩ ମସିହାରେ ଏଲପିଜି ଉପରେ କଂଗ୍ରେସ ସରକାର ଦେଇଥିବା ସବସିଡି ୩୯୫୫୮ କୋଟି ଟଙ୍କା ଥିଲା। ୨୦୧୩-୧୪ରେ ୪୬୪୫୮ କୋଟି ଟଙ୍କା ସବସିଡି ଦିଆଯାଇଥିଲା | ମୋଦୀ ସରକାରଙ୍କ ଉପରେ ଆକ୍ରମଣ କରି ସେ କହିଛନ୍ତି ଯେ ସରକାର ଲଗାତାର ଗରିବ ଓ ମଧ୍ୟବିତ୍ତ ଲୋକଙ୍କ ଉପରେ ଭାର ବଢାଉଛନ୍ତି |