ମହାରାଷ୍ଟ୍ର ସରକାରରେ କିଛି ବି ହୋଇପାରେ, ଏନସିପି ଉପରେ ଗମ୍ଭୀର ଅଭିଯୋଗ ଆଣିଲା କଂଗ୍ରେସ
ମୁମ୍ବାଇ: ମହାରାଷ୍ଟ୍ରର ମହା ବିକାଶ ଅଘାଡି ସରକାରରେ ସବୁ କିଛି ଠିକ୍ ଚାଲିନାହିଁ | ଆଜି କଂଗ୍ରେସ ରାଜ୍ୟ ଅଧ୍ୟକ୍ଷ ନାନା ପାଟୋଲ ପୁଣି ଥରେ ରାଷ୍ଟ୍ରବାଦୀ କଂଗ୍ରେସ ଦଳ ବା ଏନସିପିକୁ ଟାର୍ଗେଟ କରିଛନ୍ତି | ନାନା ଅଭିଯୋଗ କରିଛନ୍ତି ଯେ ଏନସିପି କଂଗ୍ରେସ ଦଳକୁ ଦୁର୍ବଳ କରିବାରେ ଲାଗିଛି ଓ ଏ ବାବଦରେ ସେ ଦଳର ହାଇକମାଣ୍ଡଙ୍କୁ ମଧ୍ୟ ଜଣାଇଛନ୍ତି । ପାଟୋଲ ଏହା ପୂର୍ବରୁ ଏନସିପି, କଂଗ୍ରେସକୁ ବିଶ୍ୱାସଘାତକତା କରିଥିବା ଅଭିଯୋଗ କରିଥିଲେ । ରିପୋର୍ଟ ଅନୁଯାୟୀ, ଉଦୟପୁରରେ ଅନୁଷ୍ଠିତ ଚିନ୍ତନ ଶିବିରରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କ ପାଖରେ ନାନା ଅଭିଯୋଗ କରିଥିଲେ ଯେ ଏନସିପି କଂଗ୍ରେସକୁ ଦୁର୍ବଳ କରିବାରେ ଲାଗିଛି | ଗତ ସପ୍ତାହରେ ସେ କହିଥିଲେ ଯେ ଗୋଣ୍ଡିଆ ଏବଂ ଭଣ୍ଡାରା ଜିଲ୍ଲା ପରିଷଦ ନିର୍ବାଚନରେ ଭାରତୀୟ ଜନତା ପାର୍ଟି ସହ ଏନସିପି ମିଶି କଂଗ୍ରେସକୁ ଧୋକା ଦେଇଛି |
Sambad is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁଯାୟୀ, ଯେତେବେଳେ ମହା ବିକାଶ ଅଘାଡି ସରକାରର ଅସ୍ତିତ୍ବ ବାବଦରେ ତାଙ୍କୁ ପଚରାଗଲା, ପାଟୋଲ କହିଛନ୍ତି ଯେ କିଛି ହୋଇପାରେ। ସେ କହିଛନ୍ତି ଯେ ଗତ ଅଢେଇ ବର୍ଷ ମଧ୍ୟରେ ଏନସିପି କଂଗ୍ରେସକୁ ରାଜ୍ୟରୁ ହଟାଇବା ପାଇଁ ସମସ୍ତ ପ୍ରକାର ପଦକ୍ଷେପ ନେଇଛି। ସେ କହିଛନ୍ତି ଯେ କଂଗ୍ରେସ ହାଇକମାଣ୍ଡଙ୍କୁ ଏକ ନିଷ୍ପତ୍ତି ନେବାକୁ ପଡିବ। ନାନା ପାଟୋଲ କହିଛନ୍ତି ଯେ ଏନସିପି କଂଗ୍ରେସ ପ୍ରତି ବିଶ୍ୱାସଘାତକତା କରିଛି | ଗୋଣ୍ଡିଆ ଏବଂ ଭଣ୍ଡାରା ଜିଲ୍ଲା ପରିଷଦ ନିର୍ବାଚନ ହେଉ ବା ଭିବନ୍ଦୀ ମ୍ୟୁନିସିପାଲ କର୍ପୋରେସନ ନିର୍ବାଚନ ହେଉ ଏନସିପି ଧୋକା ଦେଇଛି ।
ସେ କହିଛନ୍ତି, “ମୁଁ ଭଣ୍ଡାରା ଏବଂ ଗୋଣ୍ଡିଆ ଜିଲ୍ଲା ପରିଷଦ ନିର୍ବାଚନରେ ଏନସିପିର ସହଯୋଗ ନେଇ ରାଜ୍ୟ ସଭାପତି ଜୟନ୍ତ ପାଟିଲ ଏବଂ ଏନସିପି ନେତା ପ୍ରଫୁଲ୍ଲ ପଟେଲଙ୍କ ସହ କଥା ହୋଇଥିଲି | କିନ୍ତୁ ସେମାନେ ସହଯୋଗ କରିନଥିଲେ। ଏହା ବଦଳରେ ଏନସିପି ବିଜେପି ସହ ହାତ ମିଳାଇଥିଲା ।