ନୂଆଦିଲ୍ଲୀ: ରାହୁଲ ଗାନ୍ଧୀ ଗୁରୁବାର କହିଛନ୍ତି ଯେ ଯଦି ଦଳ କିମ୍ବା ଏହାର କର୍ମୀ କିମ୍ବା ପଞ୍ଜାବ ଚାହାଁନ୍ତି ତେବେ କଂଗ୍ରେସ ପଞ୍ଜାବରେ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିବ। ଦଳର ମୁଖ୍ୟମନ୍ତ୍ରୀ ପ୍ରାର୍ଥୀ ହେବା ପାଇଁ ନବଜୋତ ସିଂ ସିଦ୍ଧୁ ଓ ଚରଣଜିତ ସିଂ ଚନ୍ନିଙ୍କ ମଧ୍ୟରେ ବିବାଦ ଚାଲିଥିବା ବେଳେ କଂଗ୍ରେସ ନେତା ସ୍ପଷ୍ଟ କରି ଦେଇଛନ୍ତି ଯେ ଦୁଇ ଜଣ ବ୍ୟକ୍ତି ନେତୃତ୍ୱ ନେଇପାରିବେ ନାହିଁ, କେବଳ ଜଣେ ହିଁ ନେତୃତ୍ୱ ନେଇ ପାରିବ।
Sambad is now on WhatsApp
Join and get latest news updates delivered to you via WhatsApp
ଆସନ୍ତା ମାସରେ ହେବାକୁ ଥିବା ନିର୍ବାଚନ ଉଦ୍ଦେଶ୍ୟରେ ଦଳର ପ୍ରଚାର ଆରମ୍ଭ କରିବା ପାଇଁ ରାହୁଲ ଗାନ୍ଧୀ ଜଳନ୍ଧରରେ ଏକ ସମାବେଶକୁ ସମ୍ବୋଧିତ କରି କହିଛନ୍ତି, ଆମେ କଂଗ୍ରେସ କର୍ମୀମାନଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀଙ୍କ ଉପରେ ନିଷ୍ପତ୍ତି ନେବାକୁ କହିବୁ। ଏବଂ ଦୁଇ ଜଣ ନେତୃତ୍ୱ ନେଇପାରିବେ ନାହିଁ, କେବଳ ଜଣେ ନେତୃତ୍ୱ ନେଇପାରିବେ। ଯଦି ଜଣେ ନେତୃତ୍ୱ ନିଏ, ତେବେ ଅନ୍ୟ ଜଣଙ୍କ ତାଙ୍କୁ ତାଙ୍କର ସମସ୍ତ ସମର୍ଥନ ଦେବେ। କାରଣ ଉଭୟଙ୍କ ହୃଦୟରେ କଂଗ୍ରେସର ଚିନ୍ତାଧାରା ରହିଛି।
ନବଜୋତ ସିଂ ସିଦ୍ଧୁ ରାହୁଲ ଗାନ୍ଧୀଙ୍କୁ ଆଶ୍ୱାସନା ଦେଇଛନ୍ତି ଯେ ସେ ପଞ୍ଜାବରେ ମୁଖ୍ୟମନ୍ତ୍ରୀ ପ୍ରାର୍ଥୀତ୍ୱ ନେଇ ତାଙ୍କ ନିଷ୍ପତ୍ତିଗ୍ରହଣ କରିବେ। ପଞ୍ଜାବ କଂଗ୍ରେସ ମୁଖ୍ୟ ସିଦ୍ଧୁ କହିଛନ୍ତି, ଦଳର ଜଣେ ଶୃଙ୍ଖଳିତ ସୈନିକଙ୍କ ପରି ମୁଁ ରାହୁଲ ଗାନ୍ଧୀଙ୍କୁ ଆଶ୍ୱାସନା ଦେଉଛି ଯେ ମୁଁ ତାଙ୍କ ନିଷ୍ପତ୍ତିକୁ ପାଳନ କରିବି’।