ଜୟପୁର: ଆଜି ରାଜସ୍ଥାନରେ ହୋଇଥିବା ରାଜ୍ୟସଭା ନିର୍ବାଚନରେ କଂଗ୍ରେସ ୪ଟି ଆସନରୁ ୩ଟିରେ ଜିତି ବିଜେପିକୁ ଏକ ବଡ଼ ଝଟକା ଦେଇଛି। କଂଗ୍ରେସର ରଣଦୀପ ସୁରଜେୱାଲା, ମୁକୁଲ ୱାସନିକ ଏବଂ ପ୍ରମୋଦ ତିୱାରୀ ରାଜ୍ୟସଭା ନିର୍ବାଚନରେ ବିଜୟୀ ହୋଇଛନ୍ତି। ଯେଉଁଠାରେ ବିଜେପି କେବଳ ଗୋଟିଏ ଆସନ ଜିତିଛି। ରାଜ୍ୟସଭା ନିର୍ବାଚନରେ ବିଜେପିର ଘନଶ୍ୟାମ ତିୱାରୀ ଜିତିଛନ୍ତି। ବିଜେପି ସମର୍ଥିତ ସ୍ୱାଧୀନ ପ୍ରାର୍ଥୀ ସୁଭାଷ ଚନ୍ଦ୍ରଙ୍କୁ ପରାଜୟର ସମ୍ମୁଖୀନ ହେବାକୁ ପଡିଛି । ରାଜ୍ୟସଭା ନିର୍ବାଚନରେ ଦୁଇ ବିଜେପି ବିଧାୟକ କ୍ରସ ଭୋଟିଂ କରିଛନ୍ତି ବୋଲି ଆଲୋଚନା ହୋଇଛି। ବସୁନ୍ଧରା ରାଜେଙ୍କ କ୍ୟାମ୍ପର ବିଧାୟିକା ଶୋଭାରାନି କୁଶବାହା ଏବଂ କୈଳାଶ ଚାନ୍ଦ ମୀନାଙ୍କ କ୍ରସ ଭୋଟ୍ କରିଥିବା ଅଭିଯୋଗ ହୋଇଛି। ତେବେ ଏହି ଦୁଇ ଭୋଟକୁ ନେଇ ଆପତ୍ତି ଉଠିଥିଲେ ବି ଏହାକୁ ଖାରଜ ନ କରାଯାଇ ଗଣନା କରାଯାଇଥିଲା |
Sambad is now on WhatsApp
Join and get latest news updates delivered to you via WhatsApp
ଆଲୋଚନା ହେଉଛି ଯେ ଶୋଭାରାନୀଙ୍କ ଭୋଟ୍ କଂଗ୍ରେସ ପ୍ରାର୍ଥୀ ପ୍ରମୋଦ ତିୱାରୀଙ୍କ ନିକଟକୁ ଯାଇଛି। ଭୋଟ୍ ଗଣନାରେ ପ୍ରାୟ ୧ ଘଣ୍ଟା ୨୩ ମିନିଟ୍ ବିଳମ୍ବ ହେବା ପରେ କଂଗ୍ରେସର ରଣଦୀପ ସୁରଜେୱାଲା, ମୁକୁଲ ୱାସନିକ୍ ଓ ପ୍ରମୋଦ ତିୱାରୀ ଏବଂ ବିଜେପିର ଘନଶ୍ୟାମ ତିୱାରୀଙ୍କୁ ବିଜେତା ଘୋଷିତ କରାଯାଇଛି। ରାଜ୍ୟସଭାରେ ବିଜୟ ସହିତ ମୁଖ୍ୟମନ୍ତ୍ରୀ ଗେହଲୋଟଙ୍କ ଦବଦବା ବୃଦ୍ଧି ପାଇଛି | ସୂଚନା ଥାଉ କି ସୁଭାଷ ଚନ୍ଦ୍ରଙ୍କୁ ଆରଏଲପିର ୩ଜଣ ବିଧାୟକ ସମର୍ଥନ କରିଥିଲେ ।
ଆରଏଲପି ସମର୍ଥନ କରିବା ପରେ ସୁଭାଷ ଚନ୍ଦ୍ରଙ୍କୁ ୮ଟି ଭୋଟ୍ ଦରକାର ଥିଲା। କିନ୍ତୁ ସୁଭାଷ ଚନ୍ଦ୍ର ୮ଟି ଭୋଟ ଯୋଗାଡ କରିପାରିନଥିଲେ। କଂଗ୍ରେସର ରାଜ୍ୟସଭା ପ୍ରାର୍ଥୀଙ୍କୁ କଂଗ୍ରେସର ୧୦୮ ଜଣ ବିଧାୟକ, ୧୩ ଜଣ ସ୍ୱାଧୀନ ବିଧାୟକ, ଗୋଟିଏ ଆରଏଲଡି, ଦୁଇଟି ସିପିଏମ ଏବଂ ଦୁଇ ଜଣ ବିଟିପି ବିଧାୟକଙ୍କ ସମର୍ଥନ ମିଳିଥିଲା । କହିବାକୁ ଗଲେ କଂଗ୍ରେସକୁ ସମୁଦାୟ ୧୨୬ ଜଣ ବିଧାୟକଙ୍କ ସମର୍ଥନ ମିଳିଥିଲା |