ନୂଆଦିଲ୍ଲୀ: ଜୁନ୍ ପହିଲାରେ ନିର୍ବାଚନ ପରେ ବିଭିନ୍ନ ଟିଭି ଚ୍ୟାନେଲ  ବୁଥବାହୁଡ଼ା  ମତାମତ ସର୍ଭେକ୍ଷଣ ବା ଏକଜିଟ୍ ପୋଲ୍ ଫଳାଫଳ ପ୍ରକାଶ କରିବେ । ତେବେ ଏହି କାର୍ଯ୍ୟକ୍ରମ ବେଳେ ଅନୁଷ୍ଠିତ ରାଜନୈତିକ ପ୍ୟାନେଲ ଆଲୋଚନା ପାଇଁ କଂଗ୍ରେସ ନିଜର ମୁଖପାତ୍ରମାନଙ୍କୁ ପଠାଇବ ନାହିଁ । ଦଳୀୟ ନେତା ତଥା କଂଗ୍ରେସର ଯୋଗାଯୋଗ ପ୍ରମୁଖ ଜୟରାମ ରମେଶ ଏହି ନିଷ୍ପତ୍ତି ନେଇଛନ୍ତି। ଏକଜିଟ୍ ପୋଲକୁ ନେଇ କଂଗ୍ରେସ ଦଳର ଯୋଗାଯୋଗ ବିଭାଗ ଏହି ବଡ଼ ନିଷ୍ପତ୍ତି ନେଇଛି।

Advertisment

କୌଣସି ମୁଖପାତ୍ର କିମ୍ବା ନେତା ଏକ୍ଜିଟ୍ ପୋଲ୍ ସମ୍ବନ୍ଧୀୟ କୌଣସି କାର୍ଯ୍ୟକ୍ରମ ବିଷୟରେ ବାଇଟ୍ ଦେବେ ନାହିଁ। ଜୁନ୍ ପହିଲାରେ ଶେଷ ପର୍ଯ୍ୟାୟ ମତଦାନ ଶେଷ ହେବା ପରେ ସମସ୍ତ ନ୍ୟୁଜ୍ ଚ୍ୟାନେଲରେ ଏକଜିଟ୍ ପୋଲ୍ ପ୍ରସାରଣ କରାଯିବ। ଏଥିରେ ସମସ୍ତ ଦଳର ନିର୍ବାଚନୀ ସମ୍ଭାବନାକୁ ଦର୍ଶକଙ୍କ ସମ୍ମୁଖରେ ଉପସ୍ଥାପିତ କରାଯିବ। କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ କହିଛନ୍ତି ଯେ ଦଳ ଅତି କମରେ ୧୩୦ ଟି ଆସନ ପାଇବ । 'ଭାରତ' ମେଣ୍ଟ ସରକାର ଗଠନ ହେବ। ରାଜ୍ୟଗୁଡ଼ିକରେ ବିଜେପିର ଆସନ ହ୍ରାସ ପାଇବ।