ଛତିଶଗଡ଼: ସର୍ଭିସ ରାଇଫଲରେ ଦୁଇ ସହକର୍ମୀଙ୍କୁ ଗୁଳି କରି ହତ୍ୟା କଲେ କନଷ୍ଟେବଳ
ରାୟପୁର: ନିଜର ସର୍ଭିସ ରାଇଫଲରେ ଜଣେ କନଷ୍ଟେବଳ ଅନ୍ୟ ୨ ଜଣ କନଷ୍ଟେବଳଙ୍କୁ ଗୁଳି କରି ହତ୍ୟା କରି ଗିରଫ ହୋଇଛନ୍ତି। ଛତିଶଗଡ଼ର ବିଜାପୁର ଜିଲ୍ଲାରେ ଏହି ଅଭାବନୀୟ ଘଟଣା ଘଟିଥିବା ବୁଧବାର ଜଣାପଡ଼ିଛି। ବସ୍ତରର ଅନ୍ଦରୁଣୀ ଅଂଚଳରେ ମୁତୟନ ଜଣେ କନଷ୍ଟେବଳ ନିଜର ସର୍ଭିସ ରାଇଫଲରେ ନିଜର ଅନ୍ୟ ୨ ଜଣ ସହକର୍ମୀଙ୍କୁ ଗୁଳି କରିଥିଲେ। ଘଟଣାସ୍ଥଳରେ ହିଁ ୨ ଜଣଙ୍କ ମୃତ୍ୟୁ ହୋଇଛି। ପୁଲିସ ଅଭିଯୁକ୍ତକୁ ଗିରଫ କରିଛି।
Sambad is now on WhatsApp
Join and get latest news updates delivered to you via WhatsApp
ବିଜାପୁର ଏସ୍ପି ଦିବ୍ୟାଙ୍ଗ ପଟେଲ ଏହି ଘଟଣାକୁ ସ୍ପଷ୍ଟ କରିଛନ୍ତି। ସେ କହିଛନ୍ତି ଅଭିଯୁକ୍ତ କନଷ୍ଟେବଲ ଓ ମୃତ ୨ କନଷ୍ଟେବଲଙ୍କ ମଧ୍ୟରେ ପୂର୍ବରୁ ଯୁକ୍ତିତର୍କ ହୋଇଥିଲା। ନେମେଡ଼ ଥାନା ଅଂଚଳରେ ଏହି ଘଟଣା ଘଟିଛି। ସୂଚନାଯୋଗ୍ୟ ଗତ ମାର୍ଚ୍ଚରେ ଚିନ୍ତାଗୁଫା ଶିବିରରେ ଜଣେ ଯବାନ ନିଜକୁ ଗୁଳି କରି ଆତ୍ମହତ୍ୟା କରିଥିଲେ।