ଟିକା ଯୋଗାଣ ବୃଦ୍ଧି କରିବା ପାଇଁ ନିରନ୍ତର ପ୍ରୟାସ କରାଯାଉଛି: ପ୍ରଧାନମନ୍ତ୍ରୀ ମୋଦୀ

ନୂଆଦିଲ୍ଲୀ: ଅନେକ ରାଜ୍ୟ ଟିକା ଅଭାବର ମୁକାବିଲା କରୁଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଟିକା ଯୋଗାଣକୁ ବୃଦ୍ଧି କରିବାକୁ ନିରନ୍ତର ଉଦ୍ୟମ ଜାରି ରହିଛି।

କରୋନା ପରିଚାଳନା ଉପରେ ରାଜ୍ୟ, ଜିଲ୍ଲାର ଅଧିକାରୀମାନଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଏହି ସବୁ ମଧ୍ୟରେ ଟିକାକରଣ ମଧ୍ୟ ଜାରି ରହିବ ଏବଂ ଆପଣ ସମସ୍ତଙ୍କୁ ନିଶ୍ଚିତ କରିବାକୁ ପଡିବ ଯେ, କୌଣସି ଟିକା ନଷ୍ଟ ହେଉ ନାହିଁ | ଯଦି ଆମେ ସର୍ବୋତ୍ତମ ଅଭ୍ୟାସ ଅନୁସରଣ କରୁ ତେବେ ଟିକାକରଣ ଅପଚୟକୁ ହ୍ରାସ କରାଯାଇପାରିବ ବୋଲି କହିଛନ୍ତି ପ୍ରଧାନମନ୍ତ୍ରୀ |

ଜିଲ୍ଲା ଅଧିକାରୀଙ୍କୁ ଫିଲ୍ଡ କମାଣ୍ଡର ବୋଲି କହିବା ସହ ପ୍ରଧାନମନ୍ତ୍ରୀ କହିଛନ୍ତି ଯେ, କରୋନା ମହାମାରୀ ସମୟରେ ଆପଣ ସମସ୍ତେ ପାଇଥିବା ଏହି ଅଭିଜ୍ଞତା ଭବିଷ୍ୟତରେ ଆପଣଙ୍କୁ ଅନେକ ଜିନିଷର ମୁକାବିଲା କରିବାରେ ସାହାଯ୍ୟ କରିବ | ଏହିପରି ପରିସ୍ଥିତିକୁ ପରିଚାଳନା କରିବାରେ ଏହା ଆପଣ ସମସ୍ତଙ୍କୁ ଉନ୍ନତ କରିବାରେ ସାହାଯ୍ୟ କରିବ |