ମୁଖ୍ୟମନ୍ତ୍ରୀଙ୍କ ବିବାଦୀୟ କାର୍ଟୁନକୁ ନେଇ ବିଜେପି-କଂଗ୍ରେସ ମୁହାଁମୁହିଁ
ଜୟପୁର: ରାଜସ୍ଥାନ ବିଜେପିର ଅଫିସିଆଲ୍ ପେଜରେ ମୁଖ୍ୟମନ୍ତ୍ରୀ ଅଶୋକ ଗେହଲୋଟଙ୍କ ବିବାଦୀୟ କାର୍ଟୁନ୍ ପ୍ରକାଶିତ ହେବା ଘଟଣାକୁ ନେଇ ରାଜ୍ୟ ରାଜନୀତିରେ ତାତି ବଢିଯାଇଛି । ଏହି ଫଟୋକୁ ନେଇ ଉଭୟ ବିଜେପି ଓ କଂଗ୍ରେସ ମୁହାଁମୁହିଁ ହୋଇଛନ୍ତି | କାର୍ଟୁନ ପୋଷ୍ଟ ସହ ଅଫିସିଆଲ୍ ପେଜ୍ ଟ୍ୱିଟ୍ କରି ଲେଖିଛି,’ ହତ୍ୟା, ଦୁଷ୍କର୍ମ, ଲୁଟ, ଦୁର୍ନୀତି ସହ ଦଙ୍ଗା ଭଳି ଘଟଣା ପ୍ରତିଦିନ ରାଜ୍ୟରେ ଘଟୁଛି | ଗତ ସାଢେ ତିନି ବର୍ଷ ମଧ୍ୟରେ ରାଜସ୍ଥାନର ଲୋକମାନେ ପ୍ରତିଦିନ ଏପରି ଖବର ପଢୁଛନ୍ତି |
Sambad is now on WhatsApp
Join and get latest news updates delivered to you via WhatsApp
ଏହି ପରିସ୍ଥିତିରେ ଯେତେବେଳେ ରାଜସ୍ଥାନ ଜଳୁଛି, ରାଜ୍ୟର ମୁଖ୍ୟମନ୍ତ୍ରୀ ଶାନ୍ତିରେ ଶୋଇଛନ୍ତି’। ତେବେ ଏହି କାର୍ଟୁନକୁ ନେଇ ମୁଖ୍ୟମନ୍ତ୍ରୀଙ୍କ ଓଏସଡି ଲୋକେଶ ଶର୍ମା ଏହାକୁ ଲଜ୍ଜାଜନକ ବୋଲି କହିଛନ୍ତି | ଲୋକେଶ ଶର୍ମା ଟ୍ୱିଟ୍ କରି ଲେଖିଛନ୍ତି, ‘ସମାଲୋଚନାର ଏହି ପଦ୍ଧତି କ’ଣ ଠିକ? ରାଜନୀତି ପାଇଁ ଏତେ ନିମ୍ନ ସ୍ତରକୁ ଓହ୍ଲାଇ ମୁଖ୍ୟମନ୍ତ୍ରୀଙ୍କୁ ଏହିପରି ଦେଖାଇବା ଅତ୍ୟନ୍ତ ଘୃଣ୍ୟ, ଲଜ୍ଜାଜନକ ଏବଂ ଅତ୍ୟନ୍ତ ନିନ୍ଦନୀୟ। ମୁଖ୍ୟମନ୍ତ୍ରୀ ପଦ ପାଇଁ ଏକ ସମ୍ମାନ ରହିଛି | ଏହାକୁ ବଜାୟ ରଖିବା ସମସ୍ତଙ୍କର ଦାୟିତ୍ୱ ‘|
ସୂଚନାଯୋଗ୍ୟ ଯେ ରାଜ୍ୟର ମୁଖ୍ୟ ବିରୋଧୀ ଦଳ ବିଜେପି ଆଇନଶୃଙ୍ଖଳା ପରିସ୍ଥିତିକୁ ନେଇ ଗେହଲୋଟ ସରକାର ଉପରେ କ୍ରମାଗତ ଭାବେ ଆକ୍ରମଣ କରୁଛି। କରୌଲି ଠାରୁ ଯୋଧପୁର ହିଂସାକୁ ନେଇ ଗେହଲୋଟଙ୍କୁ ଟାର୍ଗେଟ କରାଯାଉଛି। ପୂର୍ଣ୍ଣକାଳୀନ ମୁଖ୍ୟମନ୍ତ୍ରୀଙ୍କ ଅନୁପସ୍ଥିତି ଯୋଗୁଁ ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ବିଗିଡି ଯାଇଛି ବୋଲି ବିଜେପି ରାଜ୍ୟ ସଭାପତି ପୁନିଆ ଅଭିଯୋଗ କରିଛନ୍ତି। ମୁଖ୍ୟମନ୍ତ୍ରୀ ଗେହଲୋଟ୍ ଗୃହମନ୍ତ୍ରୀ ପଦ ଛାଡିବା ଉଚିତ ବୋଲି ସେ କହିଛନ୍ତି |