ପୁଲିସକୁ ଆତଙ୍କବାଦୀଙ୍କ ଗୁଳି
ନୂଆଦିଲ୍ଲୀ: ରବିବାର ସନ୍ଧ୍ୟାରେ ଆତଙ୍କବାଦୀମାନେ ଜଣେ ପୁଲିସକୁ ଗୁଳି କରିଛନ୍ତି। ଜାମ୍ମୁ କଶ୍ମୀରର ଅନନ୍ତ ନାଗ ଜିଲ୍ଲାରେ ଏହି ଘଟଣା ଘଟିଛି। ଗୁରୁତର କନଷ୍ଟେବଳ ହେଲେ ଫିରଡସ ଅହମ୍ମଦ। ଶ୍ରୀଗୁଫୱାରାର ହୁଗାମ ଅଞ୍ଚଳରେ ଥିବା ତାଙ୍କ ଘର ନିକଟରେ ସେ ଥିବାବେଳେ ଲୁଚି ରହିଥିବା ଆତଙ୍କବାଦୀମାନେ ଅଚାନକ ଗୁଳି କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଗୁରୁତର ଅବସ୍ଥାରେ ତାଙ୍କୁ ଶ୍ରୀଗୁଫୱାରା ହସ୍ପିଟାଲରେ ଭର୍ତ୍ତି କରାଯାଇଥିଲା। ଅବସ୍ଥା ସଂକଟାପନ୍ନ ହେବାରୁ ତାଙ୍କୁ ଆର୍ମିର ଶ୍ରୀନଗରରେ ଥିବା ୯୨ ବେସ ହସ୍ପିଟାଲକୁ ରେଫର କରାଯାଇଛି। ଉକ୍ତ ଅଞ୍ଚଳକୁ ଘେରାବନ୍ଦୀ କରାଯାଇ ଖାନତାଲାସ ଜାରି ରହିଛି ବୋଲି ଜାମ୍ମୁ କଶ୍ମୀର ପୁଲିସ ପକ୍ଷରୁ କୁହାଯାଇଛି।