ଦେଶରେ କମୁଛି କରୋନା ସଂକ୍ରମଣ : ୭ ଦିନ ମଧ୍ୟରେ ୮୦ ଜିଲ୍ଲାରୁ ଆସିନି ନୂତନ ସଂକ୍ରମଣର ଖବର
ନୂଆଦିଲ୍ଲୀ: ଦେଶରେ କମୁଛି କରୋନା ସଂକ୍ରମଣ । ଗତ ୭ ଦିନ ମଧ୍ୟରେ ଦେଶର ୮୦ ଜିଲ୍ଲାରୁ କରୋନା ସଂକ୍ରମଣ ହେବା ସମ୍ପର୍କରେ କୌଣସି ତଥ୍ୟ ଆସିନାହିଁ । ଆଜି ଏହି ତଥ୍ୟ ଦେଇଛନ୍ତି କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନ। କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଆହୁରି କହିଛନ୍ତି ଯେ, ଗତ ୧୪ ଦିନ ମଧ୍ୟରେ ୪୭ ଜିଲ୍ଲାରେ କୌଣସି ନୂତନ କରୋନା ଆକ୍ରାନ୍ତ ନେଇ ତଥ୍ୟ ଆସିନାହିଁ । ୨୮ ଦିନରେ ୧୭ ଜିଲ୍ଲାରେ କରୋନା ନେଇ ବି କୌଣସି ସୂଚନା ନାହଁ ।
Sambad is now on WhatsApp
Join and get latest news updates delivered to you via WhatsApp
ଦେଶ ଏବେ କରୋନା ସହ ଲଢେଇ କରୁଥିବା ବେଳେ ଭାରତ ଭେଂଟିଲେଟର ତିଆରି କରିବା ଆରମ୍ଭ କରିଛି ବୋଲି କହିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ । ଦେଶରେ ଏବେ ଆକ୍ରାନ୍ତଙ୍କ ସଂଖ୍ୟା ୨୯ ହଜାର ଅତିକ୍ରମ କରିଥିବା ବେଳେ ୯୩୪ ଜଣ ପ୍ରାଣ ହରାଇସାରିଲେଣି । ଏହି ସମୟ ମଧ୍ୟରେ ହର୍ଷବର୍ଦ୍ଧନଙ୍କ ବୟାନ ଆଶ୍ୱସ୍ତି ଆଣିଦେଇଛି ।
ଗତକାଲି ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଥିଲା କି କରୋନା ସଂକ୍ରମଣରୁ ଆରୋଗ୍ୟ ଲାଭ କରିଥିବା ଲୋକମାନଙ୍କ ଶରୀରରୁ ସଂକ୍ରମଣ ବ୍ୟାପିବାର କୌଣସି ଆଶଙ୍କା ନାହିଁ । ବରଂ ପ୍ଲାଜମା ଚିକିତ୍ସା ମାଧ୍ୟମରେ ସେମାନଙ୍କ ଦ୍ୱାରା ଅନ୍ୟମାନେ ଆରୋଗ୍ୟ ଲାଭ କରିପାରିବେ । ଏଣୁ ସୁସ୍ଥ ରୋଗୀଙ୍କୁ ନେଇ ଲୋକମାନଙ୍କ ମଧ୍ୟରେ ଥିବା ଭ୍ରାନ୍ତ ଧାରଣା ଦୂର ହେବା ଆବଶ୍ୟକ।