ତୃତୀୟ ସର୍ବାଧିକ ସଂକ୍ରମିତ ରାଷ୍ଟ୍ରରେ ପରିଣତ ହେଲା ବିଶ୍ବ ତାଲିକାର ବହୁ ପଛରେ ଥିବା ଭାରତ
ନୂଆଦିଲ୍ଲୀ: ଗତ ମାର୍ଚ୍ଚ ମାସରୁ ଦେଶରେ ଆରମ୍ଭ ହୋଇଥିବା କରୋନା ମାହାମାରୀ ଏବେ ନିଜର କାୟା ବିସ୍ତାର କରିବାରେ ଲାଗିଛି। ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢ଼ିବା ସହ ଅଧିକରୁ ଅଧିକ ଲୋକଙ୍କୁ କବଳିତ କରିଛି କରୋନା। ଆରମ୍ଭରୁ ବହୁ ପଛରେ ଥିବା ଭାରତ ଏବେ ବିଶ୍ବରେ ତୃତୀୟ ସର୍ବାଧିକ ସଂକ୍ରମିତ ରାଷ୍ଟ୍ରରେ ପରିଣତ ହୋଇଛି। ଆଜି ୨୪ଘଣ୍ଟାରେ ୯୦,୬୩୨ କରୋନା ଆକ୍ରାନ୍ତ ଚିହ୍ନଟ ହେବା ପରେ ତୃତୀୟ ସ୍ଥାନରେ ରହିଛି ଭାରତ। ଭାରତରେ ମୋଟ ସଂକ୍ରମିତ ସଂଖ୍ୟା ଏବେ ୪୧,୧୩,୮୧୧ରେ ପହଞ୍ଚିଛି। ତୃତୀୟ ସ୍ଥାନରେ ଭାରତ ରହିଥିବା ବେଳେ ଦ୍ବିତୀୟ ସ୍ଥାନରେ ବ୍ରାଜିଲ ଏବଂ ପ୍ରଥମ ସ୍ଥାନରେ ଆମେରିକା ରହିଛି।
Sambad is now on WhatsApp
Join and get latest news updates delivered to you via WhatsApp
ବ୍ରାଜିଲରେ ମୋଟ ସଂକ୍ରମିତଙ୍କ ସଂଖ୍ୟା ୪୧,୨୩,୦୦୦ ରହିଥିବା ବେଳେ ଆମେରିକାର ମୋଟ ସଂକ୍ରମିତଙ୍କ ସଂଖ୍ୟା ୬୪,୩୧,୧୫୨ ରହିଛି।ଏହା ସହ ଭାରତରେ ମୋଟ ମୃତ୍ୟୁ ସଂଖ୍ୟା ୭୦,୬୨୬ ରହିଥିବା ବେଳେ ବ୍ରାଜିଲରେ ମୃତ୍ୟୁ ସଂଖ୍ୟା ୧୨୬,୨୩୦ ଏବଂ ଆମେରିକାରେ ମୃତ୍ୟୁ ସଂଖ୍ୟା ୧୯୨,୮୧୮ରହିଛି। ସେହିଭଳି ଭାରତରେ ୩,୧୮୦,୮୬୫ଜଣ ସୁସ୍ଥ ହୋଇ ସାରିଥିବା ବେଳେ ବ୍ରାଜିଲରେ ୩,୨୯୬,୭୦୨ଜଣ ଏବଂ ଆମେରିକାରେ ୩,୭୦୭,୦୦୦ଜଣ ସୁସ୍ଥ ହୋଇଛନ୍ତି।