ଦେଶରେ ପୁଣି ୬୩ ହଜାରରୁ ଅଧିକ କରୋନା ସଂକ୍ରମିତ ଚିହ୍ନଟ, ମୃତ୍ୟୁ ସଂଖ୍ୟା ୧୧ ଲକ୍ଷ ୨ ହଜାର ୧୬୧ ଛୁଇଁଲା

ନୂଆଦିଲ୍ଲୀ: ମହାମାରୀ କରୋନା ଭାଇରସ୍‌ ଦିନକୁ ଦିନ ତା’ର କାୟା ବିସ୍ତାର କରିବାରେ ଲାଗିଛି। ପ୍ରତିଦିନ ପ୍ରାୟ ୬୦ ହଜାରରୁ ଉର୍ଧ୍ବ କରୋନା ସଂକ୍ରମିତ ଚିହ୍ନଟ ହେବା ଖବର ଲୋକଙ୍କ ଭୟକୁ ଦ୍ବିଗୁଣିତ କରାଉଛି। ଗତ ୨୪ ଘଣ୍ଟା ମଧ୍ୟରେ ଦେଶରେ ପୁଣି ନୂଆ ୬୩ ହଜାର ୩୭୧ କରୋନା ସଂକ୍ରମିତ ଚିହ୍ନଟ ହେବା ଫଳରେ ସମୁଦାୟ କରୋନା ଆକ୍ରାନ୍ତଙ୍କ ସଂଖ୍ୟା ୭୩ ଲକ୍ଷ ୭୦ ହଜାର ୪୬୮ରେ ପହଞ୍ଚିଛି ବୋଲି ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି।

India reports a spike of 63,371 new #COVID19 cases & 895 deaths in the last 24 hours.

Total case tally stands at 73,70,469 including 8,04,528 active cases, 64,53,780 cured/discharged/migrated cases & 1,12,161 deaths: Ministry of Health and Family Welfare pic.twitter.com/tWjy8XjI0c

— ANI (@ANI) October 16, 2020

ଗତ ୨୪ ଘଣ୍ଟା ମଧ୍ୟରେ ନୂଆ ୮୯୫ ଜଣଙ୍କ ମୃତ୍ୟୁକୁ ମିଶାଇ ଦେଶରେ କରୋନା ଜନିତ ମୃତ୍ୟୁ ସଂଖ୍ୟା ୧୧ ଲକ୍ଷ ୨ ହଜାର ୧୬୧ ଛୁଇଁଛି। ଏବେ ବି ଦେଶରେ ସକ୍ରିୟ ସଂକ୍ରମିତ ଅଛନ୍ତି ୮ ଲକ୍ଷ ୪ ହଜାର ୫୨୮ ଜଣ। ଏଯାବତ୍‌ ସୁସ୍ଥ ହୋଇ ସାରିଲେଣି ୬୪ ଲକ୍ଷ ୫୩ ହଜ‌ାର ୭୮୯ ଜଣ।

10,28,622 samples were tested for #COVID19 yesterday. Total 9,22,54,927 samples tested in the country up to October 15: Indian Council of Medical Research (ICMR) pic.twitter.com/e74RfUF2No

— ANI (@ANI) October 16, 2020

ଇଣ୍ଡିଆନ୍‌ କାଉନ୍‌ସିଲ୍‌ ଅଫ୍ ମେଡିକାଲ୍‌ ରିସର୍ଚ(ଆଇସିଏମ୍‌ଆର୍‌) ରିପୋର୍ଟ ଅନୁଯାୟୀ, ଗତକାଲି ୧୦ ଲକ୍ଷ ୨୮ ହଜାର ୬୨୨ କରୋନା ନମୁନା ପରୀକ୍ଷା ହୋଇଛି। ଅକ୍ଟୋବର ୧୫ ତାରିଖ ସୁଦ୍ଧା ଦେଶରେ ସମୁଦାୟ ୯ କୋଟି ୨୨ ଲକ୍ଷ ୫୪ ହଜାର ୯୨୭ କରୋନା ନମୁନା ପରୀକ୍ଷା ହୋଇ ସାରିଲାଣି।