ଋଷ ଓ ଉତ୍ତର କୋରିଆ ହ୍ୟାକରଙ୍କ ଟାର୍ଗେଟରେ କରୋନା ଔଷଧ ତିଆରି କରୁଥିବା ଭାରତୀୟ ଫାର୍ମା କମ୍ପାନି, ମାଇକ୍ରୋସଫ୍ଟର ସୂଚନା ପରେ ବଢ଼ିଲା ଚିନ୍ତା

ନୂଆଦିଲ୍ଲୀ: କରୋନା ଟିକା ପ୍ରସ୍ତୁତିକୁ ନେଇ ଭାରତରେ ଉଦ୍ୟମ ଜାରି ରହିଥିବା ସମୟରେ ଆସିଛି ଏକ ଚିନ୍ତାଜନକ ଖବର । ଋଷ ଓ ଉତ୍ତର କୋରିଆ ହ୍ୟାକରଙ୍କ ଟାର୍ଗେଟରେ ରହିଛି ଭାରତୀୟ ଫାର୍ମା କମ୍ପାନି । ଏ ନେଇ ମାଇକ୍ରୋସଫ୍ଟ ସୂଚନା ଦେଇଛି । ତେବେ କିଛି ମାସ ମଧ୍ୟରେ ହ୍ୟାକରମାନଙ୍କ ଅନେକ ଉଦ୍ୟମ ବିଫଳ ହୋଇଥିବା ନେଇ ମାଇକ୍ରୋସପ୍ଟ କହିଥିଲେ ମଧ୍ୟ କେ‌ତୋଟି କମ୍ପାନିକୁ ଟାର୍ଗେଟ କରିବାରେ ହ୍ୟାକର ସଫଳ ହୋଇଛନ୍ତି ବା ଏହା କେତେ ଗମ୍ଭୀର ଥିଲା, ସେ ନେଇ ମାଇକ୍ରୋସଫ୍ଟ ତଥ୍ୟ ପ୍ରକାଶ କରିନାହିଁ । କିନ୍ତୁ ଏହା ସୂଚିତ କରିଛି ଯେ ଏହି ସମସ୍ତ ହ୍ୟାକର କୋଭିଡ୍ ୧୯ ଟିକା ପ୍ରସ୍ତୁତ କରୁଥିବା କମ୍ପାନିଗୁଡ଼ିକୁ ଟାର୍ଗେଟ କରୁଛନ୍ତି ।