ବର୍ଷେରୁ ଦେଢ଼ବର୍ଷ ମଧ୍ୟରେ ବାହରିବ କରୋନାଭାଇରସ୍ ଟିକା; ଖୁବ୍ ଶୀଘ୍ର ସ୍ପେନ୍ ଓ ନରୱେରେ ହେବ ମଣିଷ ଦେହରେ ପରୀକ୍ଷଣ
ନୂଆଦିଲ୍ଲୀ: ବର୍ଷେରୁ ଦେଢ଼ବର୍ଷ ମଧ୍ୟରେ କରୋନାଭାଇରସର ନିରାକରଣ ନିମନ୍ତେ ଟିକା ଉଦ୍ଭାବନ ହେବ ବୋଲି ଶୁକ୍ରବାର ଦିନ ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ।
Sambad is now on WhatsApp
Join and get latest news updates delivered to you via WhatsApp
ରୋଗୀମାନଙ୍କର ଔଷଧୀୟ ଚିକିତ୍ସା ଏବଂ ଜୀବନ ରକ୍ଷା ଉପରେ ଗୁରୁତ୍ୱାରୋପ କରି ବିଶ୍ୱ ସ୍ୱାସ୍ଥ୍ୟ ସଂଗଠନର ମୁଖ୍ୟ ଟେଡରୋସ୍ ଆଢ଼ାନୋମ୍ ଘେବ୍ରେସେୟେସସ୍ ଘୋଷଣା କରିଛନ୍ତି ଯେ ଖୁବ୍ ଶୀଘ୍ର ନରୱେ ଏବଂ ସ୍ପେନରେ ଏହି ଟିକା ମଣିଷ ଦେହରେ ପରୀକ୍ଷା କରାଯିବ । ସେ କହିଲେ ଯେ ଆମେ ଆଜି ଏ କଥା ଘୋଷଣା କରି ଆନନ୍ଦିତ ଯେ ନରୱେ ଏବଂ ସ୍ପେନରେ ପ୍ରଥମେ ପ୍ରଥମେ କରୋନଭାଇରସରେ ଆକ୍ରାନ୍ତ ହୋଇଥିବା ରୋଗୀମାନଙ୍କୁ ଖୁବ୍ ଶୀଘ୍ର ସାମୂହିକ ଟିକା ପରୀକ୍ଷଣ ଲାଗି ତାଲିକାଭୁକ୍ତ କରାଯିବ । ଏହି ପରୀକ୍ଷାରେ ଚାରୋଟି ଭିନ୍ନ ଭିନ୍ନ ଔଷଧର ନିରାପତ୍ତା ଓ ପ୍ରଭାବ ଆଦି ତୁଳନା କରାଯିବ । ଏହାଛଡ଼ା ଏହାକୁ ମିଶ୍ରଣ କରି ରୋଗୀଙ୍କ ଠାରେ ପ୍ରୟୋଗ କରିବା ଦ୍ୱାରା କି ପ୍ରକାରର ପ୍ରଭାବ ପଡୁଛି, ତାହା ମଧ୍ୟ ଅନୁଧ୍ୟାନ କରାଯିବ ।
କରୋନାଭାଇରସ୍ ସଂକ୍ରାନ୍ତ ବିଶ୍ୱସ୍ତରୀୟ ତଥ୍ୟ ସଂକ୍ରାନ୍ତରେ କହିବା ବେଳେ ଟେଡରୋସ୍ କହିଲେ ଯେ ଏଥିରେ ପୀଡ଼ିତ ଏକ ଲକ୍ଷରୁ ଅଧିକ ରୋଗୀ ସୁସ୍ଥ ହୋଇଗଲେଣି । ଅଧ ନିୟୁତ ଲୋକେ ଆକ୍ରାନ୍ତ ହୋଇଥିବା ଓ ୨୦ ହଜାର ମରିଥିବା ଜଣାପଡ଼ିଛି ।