ରାୟପୁର: ଦେଶରେ ହଠାତ କରୋନା ସଂକ୍ରମଣ ହୁହୁ ହୋଇ ବଢ଼ିବାକୁ ଲାଗିଛି। ସବୁଠାରୁ ଅଧିକ ପ୍ରଭାବ ମହାରାଷ୍ଟ୍ରରେ ଦେଖିବାକୁ ମିଳୁଛି। ଏହାପରେ ଛତିଶଗଡ଼ ରହିଛି।
Sambad is now on WhatsApp
Join and get latest news updates delivered to you via WhatsApp
ଛତିଶଗଡ଼ରେ ତ କରୋନାସ୍ଥିତି ଅସମ୍ଭାଳ ହୋଇପଡ଼ିଛି। ଆଜି(ମଙ୍ଗଳବାର)ସୁଦ୍ଧା ଛତିଶଗଡ଼ରେ ୧୩ହଜାରରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଏଥିସହ କରୋନାରେ ଆକ୍ରାନ୍ତ ହୋଇ ୧୦୫ଜଣଙ୍କ ମୃତ୍ୟୁ ହୋଇଛି। ଏଭଳି ପରିସ୍ଥିତିରେ ଛତିଶଗଡ଼ ରାଜଧାନୀ ରାୟପୁରରେ ସରକାରୀ ହସ୍ପିଟାଲ ବାହାରେ କୁଢ଼କୁଢ଼ ମୃତଦେହ ପଡ଼ିଥିବା ଦେଖିବାକୁ ମିଳୁଛି। ଏହାର ଏକ ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଫଟୋ ଦେଖି କରୋନା ଦ୍ବିତୀୟ ଲହର କେତେ ମାରାତ୍ମକ ତାହା ସ୍ପଷ୍ଟ ଭାବେ ବାରି ହୋଇ ପଡ଼ୁଛି।
यह #छत्तीसगढ़ के #आंबेडकर अस्पताल का दृश्य है। जहां शव रखने की भी जगह नहीं, अंतिम संस्कार के लिए अपनी पारी की प्रतीक्षा करते शव ! श्रीमान @RahulGandhi थोड़ी भी शर्म बची हो तो इस पर भी कुछ बोलो ! pic.twitter.com/t12d9zz32E
— Prem Shukla -प्रेम शुक्ल (@PremShuklaBJP) April 12, 2021
ହସ୍ପିଟାଲ ବାହାରେ କରୋନା ଆକ୍ରାନ୍ତଙ୍କ ମୃତଦେହ ପଡ଼ିବା ଭିଡିଓକୁ ମହାରାଷ୍ଟ୍ର ଭାଜପା ନେତା ପ୍ରେମ ଶୁକ୍ଳା ନିଜ ଟୁଇଟରରେ ସେୟାର କରିଛନ୍ତି। ଏହି ଫଟୋ ସେୟାର କରିବା ସହ ସେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଟାର୍ଗେଟ କରିଛନ୍ତି।
ଭିଡିଓ ସେୟାର କରି ପ୍ରେମ ଶୁକ୍ଳା ଲେଖିଛନ୍ତି, ଏହି ଦୃଶ୍ୟ ଛତିଶଗଡ଼ର ଆମ୍ବେଦକର ହସ୍ପିଟାଲର। ଯେଉଁଠାରେ କରୋନାରେ ଏତେ ସଂଖ୍ୟାରେ ଲୋକଙ୍କ ମୃତ୍ୟୁ ହେଉଛି କି ମୃତଦେହ ରଖିବା ପାଇଁ ମୃତକଙ୍କ ପରିବାରକୁ ଅପେକ୍ଷା କରିବାକୁ ପଡ଼ୁଛି। ସେଥିପାଇଁ ହସ୍ପିଟାଲ ବାହାରେ ମୃତଦେହଗୁଡ଼ିକୁ ଧାଡ଼ିଧାଡ଼ି କରି ରଖାଯାଇଛି।